பிரதமரின் தாயை தரக்குறைவாக பேசியவர் பாஜகவை சார்ந்தவர் என்று பரவும் தகவல் உண்மையானதா?

பீகாரில் காங்கிரஸ் நடத்தும் பேரணியில் பிரதமர் மோடியின் தாய் குறித்து அவதூறாக பேசியதாக கூறி முகமது ரிஸ்வி என்கிற ராஜா என்பவர் கைது செய்யப்பட்டுள்ளார்.

இந்நிலையில் பிரதமரின் தாயை தரக்குறைவாக பேசிய முகமது ரிஸ்வி பாஜகவை சார்ந்தவர் என்று புகைப்படங்களுடன் தகவல் ஒன்று பரவி வருகின்றது.

Post Link

Post Link

Post Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: ஜெர்மனியில் சைக்கிள் ஓட்டும் முதல்வர் மு.க.ஸ்டாலின் என்று பரவும் வீடியோ உண்மையா?

Fact Check/Verification

பிரதமரின் தாயை தரக்குறைவாக பேசியவர் பாஜகவை சார்ந்தவர் என்று பரப்பப்படும் தகவலில் இரண்டு புகைப்படங்கள் காணப்படுகின்றது.

அவ்விரண்டு படங்களில் சட்டையில்லாமல் காணப்படும் நபர் இப்பிரச்சனையில் கைது செய்யப்பட்ட முகமது ரிஸ்விதான் என இந்தியன் எக்ஸ்பிரஸ் வெளியிட்ட செய்தியின் மூலம் உறுதி செய்ய முடிந்தது.

இதனையடுத்து மற்றொரு படம் குறித்து தேடினோம். அத்தேடலில் நேக் முகமது ரிஸ்வி என்பவரின் ஃபேஸ்புக் பக்கத்தில் ஜூலை 18 அன்று அப்படம் பகிரப்பட்டிருப்பதை காண முடிந்தது.

இந்த நேக் முகமது ரிஸ்வி போபாலை சாந்தவர் என்பதும், பாஜகவை சார்ந்தவர் என்பதும் இவரின் ஃபேஸ்புக் முகப்பு தகவலின் வாயிலாக அறிய முடிந்தது.

ஆனால் பாஜக ஆதரவாளரான இந்த நேக் முகமது ரிஸ்வியின் முகத்தோற்றமும், பிரதமரின் தாயை இழிவாக பேசியதாக கூறி கைது செய்யப்பட்ட முகமது ரிஸ்வியின் முகத்தோற்றமும் வெவ்வேறாக இருப்பதை காண முடிந்தது.

தொடர்ந்து தேடுகையில் நேக் முகமது ரிஸ்வி சமூக ஊடகங்களில் பரவும் தகவல் தவறானது என்று அவரது ஃபேஸ்புக் பக்கத்தில் வீடியோ வெளியிட்டிருப்பதை காண முடிந்தது.

அதேபோல் புகைப்படத்துடன் பதிவிட்டிருப்பதை காண முடிந்தது.

இதனையடுத்து தேடுகையில் நேக் முகமது ரிஸ்வி NDTV ஊடகத்திற்கும் பேட்டியளித்து தனக்கும் பிரதமரின் தாயை இழிவாக பேசிய சம்பவத்துக்கும் தொடர்பில்லை என தெளிவுப்படுத்தி இருப்பதை காண முடிந்தது.

கிடைத்த ஆதாரங்களின்படி பார்க்கையில் இருவேறு முகமது ரிஸ்வியின் படங்களை வைத்து பிரதமரின் தாயை தரக்குறைவாக பேசியவர் பாஜகவை சார்ந்தவர் என்று என்று தவறான தகவல் பரப்பப்படுகின்றது என்பது தெளிவாகின்றது.

Also Read: பிரதமர் மோடிக்கு சீனா மிகப்பெரிய வரவேற்பு கொடுத்தாக பரவும் படம் உண்மையானதா?

Conclusion

பிரதமரின் தாயை தரக்குறைவாக பேசியவர் பாஜகவை சார்ந்தவர் என்று பரப்பப்படும் தகவல் தவறானதாகும். இருவேறு நபர்களின் படங்களை வைத்து இத்தகவல் பரப்பப்படுகின்றது.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Media Report by Indian Express, dated August 29, 2025
Facebook post by Nek Mohammad Rizvi, dated July 18, 2025
Facebook post by Nek Mohammad Rizvi, dated July 29, 2025
Facebook post by Nek Mohammad Rizvi, dated July 29, 2025
YouTube Video by NDTV, dated August 23, 2025