கடற்கரையை ஒட்டிய தொகுதிகளில் திமுக கூட்டணி 6 இடங்களை மட்டுமே பெறும் என்று பரவும் கருத்துக்கணிப்பு உண்மையானதா?

2026 சட்டமன்றத் தேர்தலில் தமிழ்நாட்டில் கடற்கரையை ஒட்டிய தொகுதிகளில் திமுக கூட்டணி 6 இடங்களையும், அதிமுக கூட்டணி 30 இடங்களையும் பெறும் என்று குறிப்பிட்டு கருத்துக்கணிப்பு படம் ஒன்று சமூக ஊடகங்களில் பரவி வருகின்றது.

Post Link

Post Link

Post Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: ரசிகனிடம் பிளாக் டிக்கெட் விற்று சம்பாதித்தேன் என்று விஜய் கூறினாரா?

Fact Check/Verification

2026 சட்டமன்றத் தேர்தலில் தமிழ்நாட்டில் கடற்கரையை ஒட்டிய தொகுதிகளில் திமுக கூட்டணி 6 இடங்களை மட்டுமே பெறும் என்று பரப்பப்படும் கருத்துக்கணிப்பு படத்தில் தமிழ்நாடு வரைபடம் ஒன்று இடம்பெற்றிருந்தது.

அதில் திமுக கூட்டணியை குறிக்கும் சிவப்பு நிறம் அதிகமாகவும், அதிமுக கூட்டணியை குறிக்கும் பச்சை நிறம் மிகக்குறைவாக இருப்பதையும் காண முடிந்தது.

அதேபோல திமுக கூட்டணி என எழுதப்பட்டிருந்த இடத்தில் ஏற்கனவே பச்சை நிறம் இருப்பதையும், அதன்மேல் சிவப்பு நிறத்தை வைத்து எடிட் செய்யப்பட்டிருப்பதையும் காண முடிந்தது. 6 என்று என்று எழுதப்பட்டிருந்த இடத்திலும் எடிட் செய்யப்பட்டிருப்பதை காண முடிந்தது.

மேலும் இந்த கருத்துக்கணிப்பை எந்த ஊடகம் அல்லது நிறுவனம் எடுத்தது என்பது குறித்த தகவல் இந்த கருத்துக்கணிப்பு படத்திலோ அல்லது அது இடம்பெற்றிருந்த பதிவுகளிலோ தெரிவிக்கப்படவில்லை.

இவற்றையெல்லாம் வைத்து பார்க்கையில் இந்த கருத்துக்கணிப்பு படம் போலியானது என உணர முடிந்தது. இதை உறுதி செய்ய உண்மையிலேயே இவ்வாறு ஒரு கருத்துக்கணிப்பு நடந்துள்ளதா என தேடினோம்.

அத்தேடலில் நியூஸ் தமிழ் ஊடகத்தில் “தமிழ்நாட்டில் கடற்கரையை ஒட்டிய சட்டமன்றத் தொகுதிகளின் வெற்றி நிலவரம்” என்று குறிப்பிட்டு கருத்துக்கணிப்பு ஒன்றை வெளியிட்டிருப்பதை காண முடிந்தது.

அக்கருத்துக்கணிப்பில் திமுக கூட்டணி 30 இடங்களையும், அதிமுக கூட்டணி 6 இடங்களையும் பெறும் என்று தெரிவிக்கப்பட்டிருந்தது.

இந்த கருத்துக்கணிப்பு நியூஸ்கார்டை வைரலாகும் கருத்துக்கணிப்பு நியூஸ்கார்டுடன் ஒப்பிட்டு பார்க்கையில் இந்த நியூஸ்கார்டை எடிட் செய்தே வைரலாகும் கருத்துக்கணிப்பு உருவாக்கப்பட்டுள்ளது என தெளிவாகியது.

இதனையடுத்து நியூஸ் தமிழ் டிஜிட்டல் துறையை சார்ந்த ராஜேஷை தொடர்புக் கொண்டு பேசுகையில் அவரும் வைரலாகும் கருத்துக்கணிப்பு போலியானது என உறுதி செய்தார்.லியானது என்று உறுதி செய்தார்.

Also Read: நாகை தவெக பிரச்சாரத்தில் விஜய்-த்ரிஷா புகைப்படத்துடன் தவெக தொண்டர்கள் என்று பரவும் நியூஸ்கார்ட் உண்மையா?

Conclusion

2026 சட்டமன்றத் தேர்தலில் தமிழ்நாட்டில் கடற்கரையை ஒட்டிய தொகுதிகளில் திமுக கூட்டணி 6 இடங்களை மட்டுமே பெறும் என்று சமூக ஊடகங்களில் பரப்பப்படும் கருத்துக்கணிப்பு எடிட் செய்யப்பட்ட போலியான கருத்துக்கணிப்பாகும்.

உண்மையான கருத்துக்கணிப்பில் திமுக கூட்டணிக்கு 30 இடங்கள் கிடைக்கும் என்று தெரிவிக்கப்பட்டிருந்தது. அதிமுக கூட்டணிக்கே 6 இடங்கள் கிடைக்கும் என்று தெரிவிக்கப்பட்டிருந்தது.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Instagram post by News Tamil 24X7, dated September 21, 2025
Phone Conversation with Rajesh, News Tamil 24X7
Self Analysis