தவெக மாநாட்டு பந்தல் அருகில் நடன நிகழ்ச்சிகளுக்கு ஒத்திகை நடத்தப்பட்டதா?

Claim: தவெக மாநாட்டு பந்தல் அருகில் நடன நிகழ்ச்சிகளுக்கு ஒத்திகை நடத்தப்பட்டது.

Fact: இத்தகவல் தவறானதாகும். குலசை தசரா திருவிழாவில் தொலைக்காட்சி தொடர் நடிகைகள் நடனம் ஆடிய வீடியோவே இவ்வாறு பரப்பப்படுகின்றது.

நடிகர் விஜய் தொடங்கியுள்ள தமிழக முன்னேற்றக் கழகத்தின் முதல் மாநாடு நாளை (27/10/2024) விக்கிரவாண்டியில் நடக்கவிருக்கின்றது.

இந்நிலையில் “மாநாட்டுக்கு வரும் இளைஞர்களை கவர நடன நிகழ்ச்சிகளும் ஏற்பாடு மாநாட்டு பந்தல் அருகில் ஒத்திகை.. நீ மாநாடு நடத்த போறீயா இல்ல ஆடல் பாடல் நிகழ்ச்சி எதும் நடத்த போறீயா உண்மைய சொல்லிடு” என்று குறிப்பிட்டு வீடியோ ஒன்று சமூக ஊடகங்களில் பரவி வருகின்றது.

X Link | Archive Link

Archive Link

Archive Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: பிரபாகரன் பெயரை பயன்படுத்தி பணம் வசூலிப்பவர்களை ஒற்றைப் பனைமரம் அம்பலப்படுத்தும்… வைரலாகும் நியூஸ்கார்டுகள் உண்மையானதா?

Fact Check/Verification

தவெக மாநாட்டு பந்தல் அருகில் நடன நிகழ்ச்சிகளுக்கு ஒத்திகை நடத்தப்பட்டதாக பரப்பப்படும் வீடியோவின் உண்மைத்தன்மை அறிய அவ்வீடியோவை தனித்தனி கீஃபிரேம்களாகப் பிரித்து, அவற்றை ரிவர்ஸ் சர்ச் முறைக்கு உட்படுத்தி தேடினோம்.

இத்தேடலில் குலசை தசரா திருவிழாவில் எடுக்கப்பட்டதாக கூறி வைரலாகும் வீடியோவின் மற்றொரு வடிவம் ‘Naveen prabhu (நவீன் பிரபு)’ என்கிற யூடியூப் பக்கத்தில் பதிவிடப்பட்டிருந்ததை காண முடிந்தது.

தொடர்ந்து தேடியதில் குலசை தசரா திருவிழாவில் எடுக்கப்பட்டதாக பல வீடியோக்கள் யூடியூப் பக்கங்களில் பகிர்ந்திருந்ததை காண முடிந்தது. அவ்வீடியோக்களில் வைரலாகும் வீடியோவில் காணப்படும் பெரும்பான்மையான பெண்கள் அதே பாடலுக்கு ஆடிய வீடியோக்களை காண முடிந்தது. அவ்வீடியோக்களை இங்கே மற்றும் இங்கே காணலாம்.

இதனையடுத்து தேடியதில் சௌத் இந்தியன் கிரைம் பாயிண்ட் எனும் யூடியூப் பக்கத்தில் குலசை தசரா திருவிழாவில் தொலைக்காட்சி தொடர் நடிகைகள் நடனம் ஆடியதாக வீடியோ ஒன்று பதிவிட்டிருந்ததை காண முடிந்தது. அவ்வீடியோவிலும் வைரலாகும் வீடியோவில் காணப்படும் பெண்கள் கூடி ஒன்றாக நடனம் ஆடுவதை காண முடிந்தது.

கிடைத்த ஆதாரங்களின் அடிப்படையில் பார்க்கையில் வைரலாகும் வீடியோ தவெக மாநாட்டு பந்தலில் எடுக்கப்பட்டதல்ல; குலசை தசரா திருவிழாவில் எடுக்கப்பட்டது என தெளிவாகின்றது.  

Also Read: அதிமுக பொதுச்செயலாளர் எடப்பாடி பழனிச்சாமி குறித்து அவதூறாக பேசினாரா ஆர்.பி.உதயகுமார்?

Conclusion

தவெக மாநாட்டு பந்தல் அருகில் நடன நிகழ்ச்சிகளுக்கு ஒத்திகை நடத்தப்பட்டதாக பரப்படும் வீடியோத்தகவல் தவறானதாகும். குலசை தசரா திருவிழாவில் நடிகைகள் நடனம் ஆடிய வீடியோவை வைத்து இத்தகவல் பரப்படுகின்றது. இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: False

Our Sources
YouTube video from the user, Naveen Prabhu, Dated October 18, 2024
YouTube video from SICP, Dated October 15, 2024

உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்