கரூர் சம்பவத்தில் பாதிக்கப்பட்டவர்களை பனையூருக்கு அழைத்துள்ள விஜய் என்று பரவும் நியூஸ்கார்ட் உண்மையா?

கரூர் சம்பவத்தில் பாதிக்கப்பட்டவர்களை பனையூருக்கு அழைத்துள்ள விஜய் என்று நியூஸ்கார்ட் ஒன்று சமூக வலைத்தளங்களில் பரவி வருகிறது.

“கரூரில் பிரச்சாரத்தின் போது ஏற்பட்ட கூட்ட நெரிசலில் உயிரிழந்த 41 பேரின் குடும்பங்களுக்கு தலா ரூ.20 லட்சம் நிதியுதவி மற்றும் நிவாரணம் வழங்க அவர்களை தவெக தலைவர் விஜய் பனையூருக்கு அழைத்துள்ளதாக தகவல். வார இறுதிக்குள் அவர்களை பனையூருக்கு அழைத்துவர நிர்வாகிகளுக்கு உத்தரவிட்டுள்ளதாகவும் தகவல்” என்று இந்த நியூஸ்கார்ட் பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: கரூர் துயர சம்பவத்திற்கு பின் சிரித்துக்கொண்டே புகைப்படங்களுக்கு போஸ் கொடுத்தாரா விஜய்?

Fact Check/Verification

கரூர் சம்பவத்தில் பாதிக்கப்பட்டவர்களை பனையூருக்கு அழைத்துள்ள விஜய் என்று பரவும் நியூஸ்கார்ட் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் நியூஸ்கார்ட் நியூஸ் 18 தமிழ்நாடு வெளியிட்டதாகப் பரவிய நிலையில் அவர்களுடைய அதிகாரப்பூர்வ சமூக வலைத்தளப்பக்கத்தை ஆராய்ந்தோம். அதில்,”மாவட்டச் செயலாளர்களுடன் விஜய் தொலைபேசி மூலம் ஆலோசனை” என்கிற நியூஸ்கார்டே வைரல் நியூஸ்கார்ட் போன்ற வடிவமைப்பில் இடம்பெற்றிருந்தது.

மேலும் அவர்களது பக்கத்தில், ”கரூர் கூட்ட நெரிசலில் உயிரிழந்தோரின் குடும்பங்களை விஜய் பனையூருக்கு அழைத்ததாக நியூஸ் 18 பெயரில் Fake Card ” என்று வைரலாகும் நியூஸ்கார்ட் போலியானது என்று தெரிவிக்கப்பட்டிருந்தது.

தொடர்ந்து, இதுகுறித்து நியூஸ் 18 தமிழ்நாடு தரப்பில் அதன் ஆசிரியர் கார்த்திகை செல்வனைத் தொடர்பு கொண்டு கேட்டபோது, “அது போலியான நியூஸ்கார்ட்” என்று விளக்கமளித்தார்.

Also Read: தவெக தலைவர் விஜய் இயக்குனர் S.A.சந்திரசேகரின் சொந்த மகனில்லை என்று பரவும் தவறான தகவல்!

Conclusion

கரூர் சம்பவத்தில் பாதிக்கப்பட்டவர்களை பனையூருக்கு அழைத்துள்ள விஜய் என்று பரவும் நியூஸ்கார்ட் போலியானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Sources
X Post From, News 18 Tamil Nadu, Dated October 07, 2025
Phone Conversation with, Karthigai Selvan, News 18 Tamil Nadu, Dated October 07, 2025