தவெக தொண்டர்களை தெருநாய் என்று குறிப்பிட்டு அட்டைப்படம் வெளியிட்டதா விகடன்?

விகடன் ஊடகம் தவெக தொண்டர்களை தெருநாய் என்று குறிப்பிட்டு அட்டைப்படம் வெளியிட்டதாக புகைப்படம் ஒன்று சமூக ஊடகங்களில் பரவி வருகின்றது.

அப்படத்தில் தவெகவின் கட்சி துண்டுடன் தெருநாய் ஒன்று சோகமாய் நிற்பதாய் இருந்தது. கூடவே “அரசியல் அனாதையாக்கப்பட்ட நண்பா.. நண்பீஸ்..”  என்கிற வரியும் இடம்பெற்றிருந்தது.  

Post Link

Post Link

Post Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: தவெக தலைவர் விஜய் மக்களை நடுத்தெருவில் நிறுத்திச் சென்றதாக பேசினாரா நடிகை ரோஜா செல்வமணி?

Fact Check/Verification

விகடன் ஊடகம் தவெக தொண்டர்களை தெருநாய் என்று குறிப்பிட்டு அட்டைப்படம் வெளியிட்டதாக புகைப்படம் ஒன்று பரவியதை தொடர்ந்து, இதுக்குறித்த உண்மையை அறிய விகடனின் சமூக ஊடகப் பக்கங்களில் ஆராய்ந்தோம்.

அதில் “இந்த வார விகடன் ப்ளஸ் அட்டைப்படம்!” என்று குறிப்பிட்டு ஆகஸ்ட் 25, 2025 அன்று விகடன் இன்ஸ்டாகிராம் பக்கத்தில் வைரலாகும் படம் பகிரப்பட்டிருப்பதை காண முடிந்தது.

ஆனால் அந்த அட்டைப்படத்தில் இருந்த தெருநாயின் கழுத்தில் தவெக துண்டு இடம்பெற்றிருக்கவில்லை. அதேபோல ‘அரசியல் அனாதையாக்கப்பட்ட நண்பா.. நண்பீஸ்..’ என்கிற வரியும் இடம்பெற்றிருக்கவில்ல.

இதன்படி பார்க்கையில் வைரலாகும் அட்டைப்படம் எடிட் செய்யப்பட்டது என்பதை அறிய முடிந்தது.

இதனையடுத்து விகடனின் ஆசிரியர்களுள் ஒருவரான பிரிட்டோவை நியூஸ்செக்கர் சார்பில் தொடர்புக் கொண்டு பேசுகையில் “வைரலாகும் அட்டைப்படம் எடிட் செய்யப்பட்டது” என்பதை அவரும் உறுதி செய்தார்.  

வாசகர்களின் புரிதலுக்காக உண்மையான அட்டைப்படத்தையும், எடிட் செய்யப்பட்ட அட்டைப்படத்தையும் கீழே ஒப்பிட்டு காட்டியுள்ளோம்.

Also Read: காவி புடவை கட்டியதால் கைது செய்யப்பட்ட பெண்; வைரலாகும் தகவல் உண்மையானதா?

Conclusion

தவெக தொண்டர்களை தெருநாய் என்று குறிப்பிட்டு விகடன் அட்டைப்படம் வெளியிட்டதாக பரவும் புகைப்படம் எடிட் செய்யப்பட்டதாகும்.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

ஏற்கனவே விகடனின் இதே படத்தை எடிட் செய்து சீமானை நாய் என்று விகடன் குறிப்பிட்டதாக தகவல் ஒன்று சமூக ஊடகங்களில் பரவியது. அத்தகவல் தவறானது நியூஸ்செக்கர் சார்பில் ஆராய்ந்து கட்டுரை வெளியிட்டிருந்தோம். அக்கட்டுரையை இங்கே படிக்கலாம்.

Sources
Instagram post by Vikatan, dated August 25, 2025
Telephonic Conversation with Britto, Editor, Vikatan