2026 சட்டமன்ற தேர்தலுக்கான திமுக கூட்டணி தொகுதி பங்கீடு; வைரலாகும் நியூஸ்கார்டு உண்மையானதா?

2026 சட்டமன்ற தேர்தலுக்கான திமுக கூட்டணி தொகுதி பங்கீடு என்று குறிப்பிட்டு நியூஸ்கார்டு ஒன்று சமூக ஊடகங்களில் பரவி வருகின்றது.

Post Link

Post Link

Post Link

சமூக ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: “திமுக ஒரு தீய சக்தி” என்று திருமாவளவன் என்று கூறினாரா?

Fact Check/Verification

2026 சட்டமன்ற தேர்தலுக்கான திமுக கூட்டணி தொகுதி பங்கீடு என்று குறிப்பிட்டு பரவும் நியூஸ்கார்டை கூர்மையாக உற்று நோக்குகையில் அந்த நியூஸ்கார்டு எடிட் செய்யப்பட்டதற்கான ஆதாரங்களை காண முடிந்தது.

இதனையடுத்து வைரலாகும் நியூஸ்கார்டானது சன் நியூஸ் ஊடகத்தின் நியூஸ்கார்டு டெம்ப்ளேட்டில் இருப்பதனால் அந்த ஊடகத்தின் சமூக ஊடகப் பக்கங்களில் ஆராய்ந்தோம்.

அதில் வைரலாகும் நியூஸ்கார்டை பதிவிட்டதற்கான தரவுகள் கிடைக்கவில்லை. ஆனால் “தமிழக சட்டப்பேரவை தேர்தல் 2021: திமுக கூட்டணி கட்சிகள் விவரம்!” என்று குறிப்பிட்டு மார்ச் 9, 2021 அன்று நியூஸ்கார்டு ஒன்று பதிவிட்டிருப்பதை காண முடிந்தது.

அந்த நியூஸ்கார்டை வைரலாகும் நியூஸ்கார்டுடன் ஒப்பிட்டு பார்க்கையில் மேற்காணும் நியூஸ்கார்டை எடிட் செய்தே வைரலாகும் நியூஸ்கார்டு உருவாக்கப்பட்டுள்ளது என அறிய முடிந்தது.

இதனையடுத்து சன் நியூஸின் டிஜிட்டல் பொறுப்பாளர் மனோஜை தொடர்புக் கொண்டு வைரலாகும் நியூஸ்கார்டு குறித்து விசாரித்தோம். அவர் “வைரலாகும் நியூஸ்கார்டு போலியானது, 2021 ஆம் ஆண்டின் நியூஸ்கார்டை எடிட் செய்து வைரலாகும் நியூஸ்கார்டு உருவாக்கப்பட்டுள்ளது” என்று தெரிவித்தார்.

இதனை தொடர்ந்து திமுக தலைமை கழகச் செய்தி தொடர்புக்குழுவின் செயலாளர் பேராசிரியர் கான்ஸ்டன்டைன் ரவீந்திரனை தொடர்புக் கொண்டு வைரலாகும் தகவல் குறித்து விசாரித்தோம். அவரும் இத்தகவல்  தவறானது என்று தெரிவித்தார்.

Also Read: இஸ்லாமியர் ஒருவர் கழிவுநீரை அள்ளி ஊற்றி பிரியாணி சமைப்பதாகப் பரவும் வீடியோ உண்மையா?

Conclusion

2026 சட்டமன்ற தேர்தலுக்கான திமுக கூட்டணி தொகுதி பங்கீடு என்று குறிப்பிட்டு பரவும் நியூஸ்கார்டு போலியானதாகும். 2021 ஆம் ஆண்டின் சன் நியூஸ்கார்டை எடிட் செய்தே வைரலாகும் நியூஸ்கார்டு உருவாக்கப்பட்டுள்ளது.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
X post by Sun News, dated March 9, 2021
Phone conversation with Manoj, Digital Head, Sun News
Phone conversation with Professor Constantine Ravindran, Secretary, Spokesperson Committee, DMK