துர்கா ஸ்டாலின் வெள்ளியில் செய்த பீரோ வாங்கியதாகப் பரவும் தகவல் உண்மையா?

Claim: வெள்ளியில் செய்த பீரோ வாங்கிய துர்கா ஸ்டாலின்

Fact: இத்தகவல் தவறானதாகும். அவர் கின்னஸ் சாதனை நிகழ்வொன்றில் கலந்து கொண்ட வீடியோ அது.

துர்கா ஸ்டாலின் வெள்ளியில் செய்த பீரோ வாங்கியிருக்கிறார் என்பதாக வீடியோ ஒன்று சமூக வலைத்தளங்களில் பரவி வருகிறது.

”துர்காவின் வெள்ளி பீரோ..!“ஏரோட்டும் உழவன் ஏங்கித் தவிக்கையிலே தேரோட்டம் உனக்கெதற்கு தியாகராசா”- கருணாநிதி (மாமனார்)” என்று இந்த வீடியோ பரவுகிறது.

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: பிரபாகரன் பெயரை பயன்படுத்தி பணம் வசூலிப்பவர்களை ஒற்றைப் பனைமரம் அம்பலப்படுத்தும்… வைரலாகும் நியூஸ்கார்டுகள் உண்மையானதா?

Fact Check/Verification

துர்கா ஸ்டாலின் வெள்ளியில் செய்த பீரோ வாங்கியிருக்கிறார் என்பதாகப் பரவும் வீடியோ தகவல் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோ குறித்து ஆராய்ந்தபோது சுக்ரா ஜுவல்லரி என்கிற நகைக்கடை சார்பில்   தயாரிக்கப்பட்ட வெள்ளி அலமாரி கின்னஸ் சாதனையில் இடம்பெற்றதற்கான நிகழ்ச்சியில் சிறப்பு விருந்தினராக துர்கா ஸ்டாலின் கலந்து கொண்டது செய்தியாக வெளியாகியிருந்தது.

இதுகுறித்து அந்நிறுவனம், கின்னஸ் சாதனைக்காக செய்யப்பட்டுள்ள இந்த கலைத்திறன் மிக்க அலமாரி விற்பனைக்கு அல்ல என்பதையும் தெரிவித்துள்ளது.

இந்த கின்னஸ் சாதனை நிகழ்ச்சியில் துர்கா ஸ்டாலின் கலந்துகொண்ட நிகழ்வே அவர் வெள்ளி பீரோ வாங்கியதாகப் பரவுகிறது.

Also Read: அதிமுக பொதுச்செயலாளர் எடப்பாடி பழனிச்சாமி குறித்து அவதூறாக பேசினாரா ஆர்.பி.உதயகுமார்?

Conclusion

துர்கா ஸ்டாலின் வெள்ளியில் செய்த பீரோ வாங்கியிருக்கிறார் என்பதாகப் பரவும் வீடியோ தகவல் போலியானது என்பது நமக்கு கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: False

Our Sources
YouTube video from, Thanthi Tv, Dated October 23, 2024
YouTube video from Polimer News, Dated October 23, 2024

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)