Copyright © 2022 NC Media Pvt. Ltd. All Rights Reserved.
Fact Check
வாளால் கேக் வெட்டி பிறந்தநாளை கொண்டாடினாரா உதயநிதி?
Claim
வாளால் கேக் வெட்டி பிறந்தநாளை கொண்டாடினார் உதயநிதி.
Fact
இத்தகவல் தவறானதாகும். திமுக இளைஞரணியின் மாநில துணை செயலாளர் ஜோயல் உதயநிதிக்கு பிறந்தநாள் பரிசாக வாள் வழங்கினார். அதுத்தொடர்பான படமே தவறான தகவலுடன் திரித்து பரப்பப்படுகின்றது.
தமிழ்நாடு துணை முதலமைச்சர் உதயநிதி ஸ்டாலின் வாளால் கேக் வெட்டி தனது பிறந்தநாளை கொண்டாடியதாக புகைப்படத்துடன் தகவல் ஒன்று சமூக ஊடகங்களில் பரவி வருகின்றது.
அப்படத்தில் உதயநிதி பிறந்தநாள் கேக் முன்னே வாள் ஒன்றை தூக்கி நிற்பதாய் இருந்தது.
சமூக ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: துணை முதலமைச்சர் உதயநிதிக்கு பிறந்தநாள் வாழ்த்து தெரிவித்தாரா விஜய்?
Fact Check/Verification
துணை முதலமைச்சர் உதயநிதி ஸ்டாலின் வாளால் கேக் வெட்டி தனது பிறந்தநாளை கொண்டாடியதாக பரவும் புகைப்படத்தில் துணை முதலமைச்சருடன் திமுக இளைஞரணியின் மாநில துணை செயலாளர் ஜோயலும் இருப்பதை காண முடிந்தது.
இதை அடிப்படையாக வைத்து தேடியதில் ஜோயல் அவரது எக்ஸ் பக்கத்தில் உதயநிதிக்கு கொள்கை போர்வாளை பரிசளித்ததாக கூறி வைரலாகும் புகைப்படத்துடன் நேற்று பதிவிட்டிருப்பதை காண முடிந்தது.
தொடர்ந்து தேடுகையில் ஜோயல் மற்றொரு பதிவும் பதிவிட்டிருப்பதை காண முடிந்தது. அப்பதிவில் வைரலாகும் படத்தில் காணப்படும் கேக்கை வழக்கமாக வெட்டும் கத்தியை பயன்படுத்தி உதயநிதி வெட்டும் படமும் இடம்பெற்றிருந்தது.
இதனையடுத்து தேடுகையில் இந்நிகழ்வு குறித்த வீடியோ கலைஞர் டிவி நியூஸ் யூடியூப் பக்கத்தில் பதிவிடப்பட்டிருப்பதை காண முடிந்தது.
அவ்வீடியோவில் வழக்கமான கத்தியை பயன்படுத்தி வைரலாகும் படத்தில் காணப்படும் கேக்கை உதயநிதி வெட்டுவதையும், வெட்டிய கேக்கை நிர்வாகிகளுக்கு ஊட்டுவதையும் காண முடிந்தது.
கிடைத்த ஆதாரங்களின்படி பார்க்கையில் தெளிவாகுவது யாதெனில்,
- துணை முதலமைச்சர் உதயநிதி கேக்கை வாளால் வெட்டவில்லை; வழக்கமாக கேக் வெட்டும் கத்தியை பயன்படுத்தியே வெட்டியுள்ளார்.
- வைரலாகும் படத்தில் காணப்படும் வாள் உதயநிதிக்கு பிறந்தநாள் பரிசாக வழங்கப்பட்டதாகும்; பரிசாக வந்த வாளை உதயநிதி தூக்கி காட்டிய படமே தவறாக திரித்து பரப்பப்படுகின்றது.
Also Read: தவெக தலைவர் விஜய் காஞ்சிபுரம் மக்கள் சந்திப்புக்குப்பின் வெளிநாடு சுற்றுலா சென்றுள்ளாரா?
Conclusion
தமிழ்நாடு துணை முதலமைச்சர் உதயநிதி ஸ்டாலின் வாளால் கேக் வெட்டி தனது பிறந்தநாளை கொண்டாடியதாக பரவும் தகவல் தவறானதாகும்.
இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Sources
X post by Joel, State Deputy Secretary, Youth Wing, DMK, dated November 27, 2025.
X post by Joel, State Deputy Secretary, Youth Wing, DMK, dated November 27, 2025.
YouTube Video by Kalaignar TV News, dated November 27, 2025.
RESULT
False
False
உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91-9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in. என்ற மின்னஞ்சல் முகவரிக்கோ உங்கள் கேள்விகளை அனுப்பலாம். மேலும், எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்.
