Get out Stalin ஹேஷ்டேக் X தளத்தில் உலக அளவில் 2வது இடமும், இந்திய அளவில் முதல் இடமும் பெற்றது என்று சன் நியூஸ் ஊடகம் நியூஸ்கார்டு வெளியிட்டதாக பாஜக அனுதாபிகள் நியூஸ்கார்டு ஒன்றை சமூக ஊடகங்களில் பரப்பி வருகின்றனர்.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: ஜெயலலிதாவின் நகைகளை முதல்வர் ஸ்டாலின் நியாயமாக மத்திய அரசிடம் ஒப்படைக்க வேண்டும் என்றாரா அண்ணாமலை?
Fact Check/Verification
Get out Stalin ஹேஷ்டேக் X தளத்தில் உலக அளவில் 2வது இடம் பெற்றது என்று சன் நியூஸ் ஊடகம் நியூஸ்கார்டு வெளியிட்டதாக, நியூஸ்கார்டு ஒன்று சமூக ஊடகங்களில் பரவியதை தொடந்து, இவ்வாறு ஒரு நியூஸ்கார்டை அந்நிறுவனம் வெளியிட்டதா என சன் நியூஸ் சமூக ஊடகப் பக்கங்களில் தேடினோம்.
இத்தேடலில் சன் நியூஸ் வைரலாகும் நியூஸ்கார்டை வெளியிட்டிருக்கவில்லை. மாறாக Get out Modi ஹேஷ்டேக் X தளத்தில் உலக அளவில் 2வது இடமும், இந்திய அளவில் முதல் இடமும் பெற்றதாக நியூஸ்கார்டு ஒன்றை வெளியிட்டிருந்ததை காண முடிந்தது.
இந்த நியூஸ்கார்டை வைரலாகும் நியூஸ்கார்டுடன் ஒப்பிட்டு பார்க்கையில், இந்த கார்டை எடிட் செய்தே வைரலாகும் நியூஸ்கார்டு உருவாக்கப்பட்டுள்ளது என அறிய முடிந்தது.
இதனையடுத்து சன் நியூஸ் டிஜிட்டல் பொறுப்பாளர் மனோஜை தொடர்புக் கொண்டு வைரலாகும் நியூஸ்கார்டு குறித்து விசாரிக்கையில் வைரலாகும் நியூஸ்கார்டு எடிட் செய்யப்பட்டது என்பதை அவரும் உறுதி செய்தார்.
Also Read: விஜயகாந்துக்கு ஏற்பட்ட கதிதான் அண்ணாமலைக்கும் ஏற்படும் என்று எச்சரித்தாரா பேராசிரியர் ஜவாஹிருல்லா?
Conclusion
Get out Stalin ஹேஷ்டேக் X தளத்தில் உலக அளவில் 2வது இடம் பெற்றது என்று சன் நியூஸ் ஊடகம் வெளியிட்டதாக பரவும் நியூஸ்கார்டு எடிட் செய்யப்பட்டதாகும். இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Sources
X post by Sun News, Dated February 20, 2025
Phone Conversation with Manoj, Digital Head, Sun News
