வங்கதேசத்தில் இந்து ஆசிரியருக்கு செருப்பு மாலை அணிவிக்கப்பட்டதாகப் பரவும் வீடியோ உண்மையா?

வங்கதேசத்தில் இந்து ஆசிரியருக்கு செருப்பு மாலை அணிவிக்கப்பட்டதாக வீடியோ ஒன்று சமூக வலைத்தளங்களில் பரவி வருகிறது.

”பங்களாதேசில் 43 வருடம் ஆசிரியராக பணிபுரிந்த சிறுபான்மை ஹிந்து ஆசிரியருக்கு அந்த நாட்டு பெரும்பான்மை பாயானுங்க சார்பில் நடத்த பட்டபிரிவு உபசார விழா. இந்தியாவில் எந்த சிறுபான்மை இஸ்லாமிய ஆசிரியர்க்கும் இந்த கொடுமை நடந்தது இல்லை வந்தபின் வருந்துவதை விடவரும்முன் காப்பாதே சிறந்தது” என்று இந்த வீடியோ பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: சிவகங்கை இளைஞர் அஜித்குமார் மாரடைப்பால் மரணமடைந்தார் என்று மு.க.ஸ்டாலின் கூறினாரா?

Fact Check/Verification

வங்கதேசத்தில் இந்து ஆசிரியருக்கு செருப்பு மாலை அணிவிக்கப்பட்டதாக பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

 வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த ஜூன் 15ஆம் தேதியன்று டாக்கா டைம்ஸ் வெளியிட்டிருந்த செய்தி நமக்குக் கிடைத்தது.

அதன்படி, அகமது அலி என்னும் மருத்துவர் ஒருவர் நபிகள் நாயகத்தை அவமதித்ததால் அவருக்கு வங்கதேசம், ராஜ்பரி மாவட்டம் பலியாகண்டியில் உள்ள மக்கள் செருப்பு மாலை அணிவித்ததாக செய்தி வெளியாகியுள்ளது.

குறிப்பிட்ட வீடியோவே வங்கதேசத்தில் இந்து ஆசிரியருக்கு செருப்பு மாலை அணிவிக்கப்பட்டது என்பதாகப் பரவி வருகிறது.

Also Read: சிவகங்கை லாக் அப் மரணம்: ஸ்டாலின் ஆட்சியில் உடனடி நடவடிக்கை எடுத்துள்ளனர்; ஈபிஎஸ் ஆட்சி மரணம் இன்னும் விசாரணையில்தான் உள்ளது என்றாரா சீமான்?

Conclusion

வங்கதேசத்தில் இந்து ஆசிரியருக்கு செருப்பு மாலை அணிவிக்கப்பட்டதாகப் பரவும் செய்தி தவறானதாகும். அவர் ஒரு இஸ்லாமியரான மருத்துவர் என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Sources
Article Published by Kalerkantho Dated June 15, 2025
Article Published by Dhaka Times , Dated June 15, 2025