நாதக நிர்வாகி இடும்பாவனம் கார்த்திக் போதையில் தள்ளாடி தரையில் விழுந்தாரா?

Claim: நாதக நிர்வாகி இடும்பாவனம் கார்த்திக் போதையில் தள்ளாடி தரையில் விழுந்ததாக பரவும் படம்.

Fact: இத்தகவல் தவறானதாகும். வைரலாகும் படத்திலிருப்பவர் சின்னத்திரை நடிகர் ஸ்ரீ ஆவார். படப்பிடிப்பில் எடுக்கப்பட்ட காட்சிகளை எடுத்து இத்தகவல் பரப்பப்படுகின்றது.

“கோவில் திருவிழா ஒன்றில் போதையில் தள்ளாடியபடி தரையில் விழுந்த நாய் டம்ளர் இடும்பாவனம் கார்த்தி” என்று குறிப்பிட்டு புகைப்படம் ஒன்று சமூக வலைத்தளங்களில் பரவி வருகின்றது.

X Link | Archive Link

Archive Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: பங்களாதேஷில் இந்து குழந்தையின் நிலை என்று பரவும் வீடியோ உண்மையா?

Fact Check/Verification

நாதக நிர்வாகி இடும்பாவனம் கார்த்திக் போதையில் தள்ளாடி தரையில் விழுந்ததாக பரவும் புகைப்படத்தை கூர்மையாக பார்க்கையில் அப்படத்தில் இருப்பவர் இடும்பாவனம் கார்த்திக் அல்ல, சின்னத்திரை நடிகர் ஸ்ரீ என அறிய முடிந்தது.

தொடர்ந்து வைரலாகும் படங்கள் குறித்து தேடுகையில் “Watch Video : நல்லா மிதி.. வாங்குன காசுக்கு கொஞ்சமாவது நியாயமா நடிக்கணும்… வைரலாகும் ஸ்ரீயின் BTS வீடியோ” என்று தலைப்பிட்டு ஏபிபி நாடு வெளியிட்ட செய்தியில் வைரலாகும் படங்கள் பயன்படுத்தப்பட்டிருப்பதை காண முடிந்தது.

அச்செய்தியில் தொலைக்காட்சி தொடர் ஒன்றின் படப்பிடிப்பு தளத்தில் நடிகர் ஸ்ரீ நடித்த காட்சி என்று அப்படங்கள் குறித்து தெரிவிக்கப்பட்டிருந்தது.

இதனையடுத்து தேடுகையில் நடிகர் ஸ்ரீயின் இன்ஸ்டாகிராம் பக்கத்திலும் இதுக்குறித்த வீடியோ பகிரப்பட்டிருப்பதை காண முடிந்தது.

 Also Read: மதுரை மீனாட்சி அம்மன் கோவிலில் வைக்கப்பட்டுள்ள தங்கத்தால் செய்யப்பட்ட மீனாட்சி சிலை என்ற தகவல் உண்மையா?

Conclusion

நாதக நிர்வாகி இடும்பாவனம் கார்த்திக் போதையில் தள்ளாடி தரையில் விழுந்ததாக சமூக வலைத்தளங்களில் பரவும் தகவல் தவறானதாகும். உண்மையில் வைரலாகும் படத்திலிருப்பவர் சின்னத்திரை நடிகர் ஸ்ரீ ஆவார். அவர் நடிக்கும் தொலைக்காட்சி தொடரின் படப்பிடிப்பில் எடுக்கப்பட்ட காட்சிகளை எடுத்து இத்தகவல் பரப்பப்படுகின்றது.

இந்த உண்மையானது நமக்கு கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: False

Our Sources
Report from ABP Nadu, Dated August 10, 2024
Instagram post from Actor Sree, August 09, 2024

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)