சீமான் நாகரீகமாகவே உரையாற்ற மாட்டார் என்று காளியம்மாள் பேட்டியளித்தாரா?

சீமான் நாகரீகமாகவே உரையாற்ற மாட்டார் என்று காளியம்மாள் பேட்டியளித்ததாக வீடியோ ஒன்று சமூக வலைத்தளங்களில் பரவி வருகிறது.

”சீமான் பேச்சை அந்தக் கட்சிக்காரர்களே பெரிதாக எடுத்துக் கொள்வதில்லை, கருத்தியல் ரீதியாகவும், சித்தாந்த ரீதியாகவும் மோத வக்கில்லாத சீமான் தனிப்பட்ட தாக்குதலில் ஈடுபடுவார்- அக்கா காளியம்மாள்” என்று இந்த வீடியோ பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.  

Also Read: வாக்கு திருட்டு சர்ச்சை; பாஜக MLA நந்த் கிஷோர் பொதுமக்களால் அடித்து விரட்டப்பட்டாரா?

Fact Check/Verification

சீமான் நாகரீகமாகவே  உரையாற்ற மாட்டார் என்று நாதகவில் இருந்து விலகிய காளியம்மாள் பேட்டியளித்ததாகப் பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது இந்த பேட்டி கடந்த அக்டோபர் 06, 2023 அன்று Behindwoods o2 பக்கத்தில் இடம்பெற்றிருந்தது. ஆனால், கடந்த பிப்ரவரி 2025-ல் அதாவது இந்த பேட்டி வெளியாகிய பிறகே காளியம்மாள் நாதக கட்சியில் இருந்து விலகியிருந்தார்.

அதுமட்டுமின்றி, குறிப்பிட்ட வீடியோவில் பாஜகவைச் சேர்ந்த H.Raja குறித்து எழுப்பப்பட்ட கேள்விக்கே அவர் கருத்தியல் ரீதியாகவும், சித்தாந்த ரீதியாகவும் மோதாமல் தாக்குதலில் ஈடுபடுவார் ஹெச்.ராஜா என்பதாக பதிலளித்திருந்தார்.

குறிப்பிட்ட செய்தியே தற்போது அவர் சீமான் குறித்து பேசியதாக பரவி வருகிறது.

Also Read: ராகுல் காந்தி சட்டைக்குள் பெண்கள் உள்ளாடை அணிந்திருந்ததாக பரவும் புகைப்படம் உண்மையா?

Conclusion

சீமான் நாகரீகமாகவே  உரையாற்ற மாட்டார் என்று நாதகவில் இருந்து விலகிய காளியம்மாள் பேட்டியளித்ததாகப் பரவும் வீடியோ தகவல் தவறானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Sources
YouTube Video by Behindwoods O2, dated October 06, 2023
YouTube Video by News 18 Tamil Nadu, dated Februry 24, 2025