Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
Claim: மெரினா சாலையில் பெருக்கெடுத்து ஓடும் வெள்ளம்
Fact: வைரலாகும் வீடியோ சவுதி அரேபியாவில் எடுக்கப்பட்டதாகும்.
மெரினா சாலையில் பெருக்கெடுத்து ஓடும் வெள்ளம் என்று வீடியோ ஒன்று சமூக வலைத்தளங்களில் பரவி வருகிறது.
”மகிழ்ச்சி வெள்ளத்தில் சென்னை மக்கள்! சென்னையில் மழை பெய்த சுவடே இல்லை” என்று இந்த வீடியோ பரவுகிறது.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.
Also Read: சென்னையில் மழை நேர நெரிசலால் தேங்கி நிற்கும் வாகனங்கள் என்று பரவும் AI புகைப்படம்!
Fact Check/Verification
மெரினா சாலையில் பெருக்கெடுத்து ஓடும் வெள்ளம் என்று பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.
வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது கடந்த செப்டம்பர் 03, 2024 அன்று Newsflare வெளியிட்டிருந்த இந்த வீடியோவுடன் கூடிய செய்தி நமக்குக் கிடைத்தது. அதில், “Saudi Arabia: Heavy rain has flooded the streets of Jeddah” என்று செய்தி வெளியாகியிருந்தது. மேலும், யூடியூப் பக்கம் ஒன்றில் அரேபிய மொழியில் செப்டம்பர் 02ஆம் தேதியன்று Jeddahவில் ஏற்பட்ட வெள்ளப்பெருக்கு என்று இந்த வீடியோ இடம்பெற்றிருந்தது.
வேறு சில சவுதி செய்தி ஊடகங்களின் சமூக வலைத்தளப்பக்கங்களிலும் இந்த வீடியோ இடம்பெற்றிருந்தது.
சவுதியில் எடுக்கப்பட்ட இந்த வீடியோவே தற்போது சென்னை மெரினாவில் ஏற்பட்ட வெள்ளப்பெருக்கு என்று பரவி வருகிறது.
Also Read: ஓடும் நர்மதை நதியில் பிடிமானமின்றி இயற்கையாக அமைந்திருக்கும் கற்களா இவை?
Conclusion
மெரினா சாலையில் பெருக்கெடுத்து ஓடும் வெள்ளம் என்று பரவும் வீடியோ சவுதி அரேபியாவில் எடுக்கப்பட்டது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: False
Our Sources
X post from khaberni, Dated September 03, 2024
Video Report From, News flare, Dated September 03, 2024
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
Authors
Vijayalakshmi leads our Tamil team. She’s worked in the media industry for more than eight years. This includes her work as a senior correspondent for Times Now before joining Newschecker. She turned to fact-checking to create awareness around misinformation through her writing.
