திமுக ஆட்சியில் சென்னை சாலையில் பெரிய பள்ளம் விழுந்ததாக பரவும் பழைய படம்!

திமுக ஆட்சியில் சென்னை சாலையில் பெரிய பள்ளம் விழுந்ததாக பரவும் படம்.

சமூக ஊடகங்களில் வந்த பதிவை இங்கே மற்றும் இங்கே காணலாம்.

Also Read: கரூர் நெரிசலில் உயிரிழந்தவர்களின் குடும்பத்தாரை விஜய் சந்தித்ததாக பரவும் பழைய படங்கள்!

திமுக ஆட்சியில் சென்னை சாலையில் பெரிய பள்ளம் விழுந்ததாக புகைப்படம் ஒன்று பரவியதை தொடர்ந்து, அப்படத்தை ரிவர்ஸ் சர்ச் முறைக்கு உட்படுத்தி, அப்படம் குறித்து தேடினோம்.

அத்தேடலில் தி நியூஸ் மினிட் ஊடகத்தில் “Chennai road cave-in scare continues: Now, massive crater in Kilpauk” என்று தலைப்பிட்டு வைரலாகும் படத்திலிருக்கும் சம்பவம் குறித்து மே 06, 2017 அன்று செய்தி வெளியிட்டிருப்பதை காண முடிந்தது.

அச்செய்தியில் சென்னை கீழ்ப்பாக்கத்தில் உள்ள சாலை ஒன்றில் மிகப்பெரிய பள்ளம் தோன்றியதாக தெரிவிக்கப்பட்டிருந்தது.

தொடர்ந்து தேடுகையில் இந்தியா டுடே, டைம்ஸ் ஆஃப் இந்தியா, ஒன் இந்தியா உள்ளிட்ட ஊடகங்களிலும் இதே தினத்தில் (மே 06, 2017) இதே தகவலுடன் வைரலாகும் படம் குறித்து செய்தி வெளியிட்டிருப்பதை காண முடிந்தது.

இதன்படி பார்க்கையில் வைரலாகும் படத்திலிருக்கும் சம்பவம் திமுக ஆட்சியின்போது நடக்கவில்லை; அது 2017 ஆம் ஆண்டில் அதிமுக ஆட்சிப்பொறுப்பில் இருந்தபோது நடந்துள்ளது என தெளிவாகின்றது.

Sources
Report by The News Minute, dated May 06, 2017
Report by India Today, dated May 06, 2017
Report by Times of India, dated May 06, 2017
Report by One India, dated May 06, 2017