ஈரோடு தவெக மாநாட்டில் பிரதமர் மோடியின் படத்துடன் பேனர் வைக்கப்பட்டுள்ளதா?

ஈரோடு மாவட்டம் விஜயமங்கலம் பகுதியில் இன்று தவெகவின் மாநாடு நடைபெற உள்ளது. இந்நிலையில் ஈரோடு தவெக மாநாட்டில் பிரதமர் மோடியின் படத்துடன் பேனர் வைக்கப்பட்டுள்ளதாக புகைப்படம் ஒன்று சமூக ஊடகங்களில் பரவி வருகின்றது.

Post Link

Post Link

Post Link

சமூக ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: திமுக இளைஞர் அணி மாநாட்டில் வழங்கப்பட்ட பையில் குவாட்டர் பாட்டில் என்று பரவும் புகைப்படம் உண்மையா?

Fact Check/Verification

ஈரோடு தவெக மாநாட்டில் பிரதமர் மோடியின் படத்துடன் பேனர் வைக்கப்பட்டுள்ளதாக புகைப்படம் பரவியதை தொடர்ந்து அப்படம் குறித்த உண்மையை அறிய, வைரலாகும் படத்தை ரிவர்ஸ் சர்ச் முறைக்கு உட்படுத்தி தேடினோம்.

அத்தேடலில்“த.வெ.க. பொதுக்கூட்டம் நடைபெறும் நிலையில் இறுதிக்கட்ட பணிகள் தீவிரம்..!” என்று குறிப்பிட்டு பாலிமர் நியூஸ் நேற்று வெளியிட்டிருந்த வீடியோவில் வைரலாகும் படத்திலிருந்த பேனர் இடம்பெற்றிருப்பதை காண முடிந்தது.

ஆனால் அந்த பேனரில் பிரதமர் மோடியின் இடம்பெற்றிருக்கவில்லை; முன்னாள் அமைச்சர் செங்கோட்டையனின் படமே இடம்பெற்றிருந்தது.

தொடர்ந்து தேடுகையில் நியூஸ் தமிழ் ஊடகமும் ஈரோட்டில் மாநாடு நடைபெறும் திடல் குறித்து வீடியோ வெளியிட்டிருப்பதை காண முடிந்தது.

அந்த வீடியோவிலும் வைரலாகும் பேனர் இடம்பெற்றிருந்தது. அதிலும் செங்கோட்டையனின் படமே இடம்பெற்றிருந்தது; பிரதமரின் படம் இடம்பெற்றிருக்கவில்லை.

இதனடிப்படையில் பார்க்கையில் செங்கோட்டையனின் படத்திற்கு பதிலாக பிரதமரின் படத்தை மாற்றி எடிட் செய்து வைரலாகும் படம் உருவாக்கப்பட்டுள்ளது என உறுதியாகின்றது.

Also Read: பிரியாணிக்காக திமுகவினர் அடிதடி; வைரலாகும் வீடியோ திருவண்ணாமலையில் எடுக்கப்பட்டதா?

Conclusion

ஈரோடு தவெக மாநாட்டில் பிரதமர் மோடியின் படத்துடன் பேனர் வைக்கப்பட்டுள்ளதாக பரவும் புகைப்படம் எடிட் செய்யப்பட்டு மாற்றப்பட்டதாகும்.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
YouTube video by Polimer News, dated December 17, 2025
YouTube video by News Tamil 24X7, dated December 17, 2025