‘விஜய் ஒரு தற்குறி, தவக்களை’ என்று நாஞ்சில் சம்பத் கூறியதாக பரவும் வீடியோவின் உண்மை என்ன?

நாஞ்சில் சம்பத் அண்மையில் தவெகவில் இணைந்துள்ளார். அக்கட்சியில் அவருக்கு பரப்புரை செயலாளர் பதவி வழங்கப்பட்டுள்ளது.

இந்நிலையில் தவெக தலைவர் விஜய் ஒரு தற்குறி, தவக்களை என்று நாஞ்சில் சம்பத் கூறியதாக வீடியோ ஒன்று சமூக ஊடகங்களில் பரவி வருகின்றது.

Post Link

Post Link

சமூக ஊடகங்களில் வெளிவந்த இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: திமுக அரசு கோவிலை இடித்ததாக பரவும் வீடியோவின் உண்மை என்ன?

Fact Check/Verification

விஜய் ஒரு தற்குறி; தவக்களை என்று நாஞ்சில் சம்பத் கூறியதாக பரப்பப்படும் வீடியோவில் நக்கீரன் ஊடகத்தின் வாட்டர்மார்க் இடம்பெற்றிருப்பதை காண முடிந்தது.

இதை அடிப்படையாக வைத்து நக்கீரன் ஊடகத்தின் சமூக ஊடகப் பக்கங்களில் வைரலாகும் வீடியோ குறித்து தேடினோம்.  அத்தேடலில்வைரலாகும் வீடியோவின் முழுப்பகுதி நக்கீரன் யூடியூப் பக்கத்தில் நவம்பர் 4, 2024 அன்று பகிரப்பட்டிருப்பதை காண முடிந்தது.

அவ்வீடியோவின் தொடக்கத்தில் வைரலாகும் வீடியோவின் பகுதி காணப்பட்டது. அவ்வீடியோவை முழுமையாக ஆராய்கையில் நாஞ்சில் சம்பத் தற்குறி, தவக்களை என்று குறிப்பிட்டது விஜயை அல்ல; நாதக தலைவர் சீமானை என அறிய முடிந்தது.

Also Read: சிக்கந்தர் தர்காவில் சமீபத்தில் கூடிய கூட்டம் என்பதாகப் பரவும் புகைப்படம் உண்மையா?

Conclusion

விஜய் ஒரு தற்குறி, தவக்களை என்று நாஞ்சில் சம்பத் கூறியதாக பரவும் வீடியோ தகவல் தவறானதாகும். சீமான் குறித்து நாஞ்சில் சம்பத் பேசியதை விஜய் குறித்து பேசியதாக திரித்து வைரலாகும் வீடியோ பரப்பப்படுகின்றது.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
YouTube Video by Nakkheeran, dated November 4, 2024