அதிமுகவுடன் கூட்டணி வைக்க மற்ற கட்சிகள் தயாராக இல்லாததால் பாஜகவுடன் கூட்டணி வைத்ததாக ஈபிஎஸ் கூறினாரா?

“அதிமுகவுடன் கூட்டணிக்கு வர மற்ற கட்சிகள் தயார் இல்லை. எனவேதான் வேறுவழியின்றி பாஜகவுடன் கூட்டணி வைத்தேன்” என்று எதிர்க்கட்சி தலைவர் எடப்பாடி பழனிசாமி கூறியதாக நியூஸ்கார்டு ஒன்று சமூக ஊடகங்களில் பரவி வருகின்றது.

Post Link

Post Link

Post Link

Also Read: அன்வர் ராஜா போனால் போகட்டும்; அதிமுகவிற்கு இஸ்லாமிய வாக்குகள் தேவையில்லை என்றாரா ராஜேந்திர பாலாஜி?

Fact Check/Verification

அதிமுகவுடன் கூட்டணி வைக்க மற்ற கட்சிகள் தயாராக இல்லாததால் பாஜகவுடன் கூட்டணி வைத்தேன் என்று எடப்பாடி பழனிசாமி கூறியதாக தகவல் ஒன்று பரவியதை தொடர்ந்து அஇஅதிமுகவின் தேசிய செய்தித்தொடர்பாளர் கோவை சத்யனை தொடர்புக்கொண்டு இதுக்குறித்து விசாரித்தோம்.

அவர் “இத்தகவல் முற்றிலும் தவறானது”  என்று மறுப்பு தெரிவித்தார்.

இதனையடுத்து வைரலாகும் நியூஸ்கார்டானது பாலிமர் நியூஸின் நியூஸ்கார்ட் டெம்ப்ளேட்டை பயன்படுத்தி உருவாக்கப்பட்டிருப்பதால் அந்நிறுவனம் இவ்வாறு ஒரு நியூஸ்கார்டை வெளியிட்டதா என அதன் சமூக ஊடகப் பக்கங்களில் தேடினோம்.

இத்தேடலில் பாலிமர் நியூஸ் இவ்வாறு ஒரு நியூஸ்கார்டை வெளியிட்டிருக்கவில்லை.

மாறாக “தமிழகத்தில் தனிக்கட்சி ஆட்சி அமைவதையே மக்கள் எதிர்பார்க்கின்றனர். தனி மெஜாரிட்டியுடன் வெற்றி பெற்று அ.தி.மு.க ஆட்சி அமைக்கும்” என ஈபிஎஸ் பேசியதாக நியூஸ்கார்டு ஒன்றை வெளியிட்டிருந்ததை காண முடிந்தது.

Also Read: பாஜகவுடன் கூட்டணியால் அதிமுக நிர்வாகிகள் பலர் அதிருப்தியில் உள்ளதாக செங்கோட்டையன் கூறினாரா?

இந்த நியூஸ்கார்டையும் வைரலாகும் நியூஸ்கார்டையும் ஒப்பிட்டு பார்க்கையில் மேற்காணப்பட்ட நியூஸ்கார்டை எடிட் செய்தே வைரலாகும் நியூஸ்கார்டு உருவாக்கப்பட்டுள்ளது என அறிய முடிந்தது.

இதனைத் தொடர்ந்து பாலிமர் நியூஸின் டிஜிட்டல் பொறுப்பாளர் சுரேந்தரை தொடர்புக் கொண்டு வைரலாகும் நியூஸ்கார்ட் குறித்து விசாரித்தோம். அவரும் வைரலாகும் நியூஸ்கார்டு போலியானது என உறுதி செய்தார்.

Also Read: இன்பநிதி பாசறை மாநில ஒருங்கிணைப்பாளராக திமுகவில் நியமிக்கப்பட்டுள்ளாரா அன்வர் ராஜா?

Conclusion

அதிமுகவுடன் கூட்டணி வைக்க மற்ற கட்சிகள் தயாராக இல்லாததால் பாஜகவுடன் கூட்டணி வைத்தேன் என்று எடப்பாடி பழனிசாமி கூறியதாக பரவும் தகவல் முற்றிலும் தவறானதாகும்.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Phone Conversation With Kovai Sathyan, National Spokesperson, AIADMK
Phone Conversation With Surendar, Polimer News
X post by Polimer News, dated July 22, 2025