ஓலா நிறுவனம் தனது இ-ஸ்கூட்டர்களுக்கு சீமான் என்று பெயர் சூட்டப்படும் என அறிவித்ததா?

ஓலா நிறுவனம் தமிழ்நாட்டில் தயாரிக்கும் இ-ஸ்கூட்டர்களுக்கு சீமான் என்று பெயர் சூட்டியுள்ளது என்பதாகப் புகைப்படச் செய்தி ஒன்று சமூக வலைத்தளங்களில் வைரலாகிறது.

தமிழ்நாட்டில் கிருஷ்ணகிரியில் 500 ஏக்கர் பரப்பளவில் அமைந்துள்ளது ஓலா எலக்ட்ரிக் தொழிற்சாலை. அந்நிறுவனம், தமிழகத்தில் இ-ஸ்கூட்டர் தயாரிப்பு மற்றும் விற்பனையை துவங்கியுள்ளது. இதன் முதல் இ-ஸ்கூட்டர் எஸ்-1 மாடல் சமீபத்தில் வெளியுலகிற்கு அறிமுகம் செய்யப்பட்டது.

Also Read: கொடநாடு கொலை வழக்கு விசாரணையை நிறுத்தினால் நீட் விலக்கு மசோதாவிற்கு ஆதரவு அளிப்போம் என்றாரா எடப்பாடி பழனிச்சாமி?

இந்நிலையில் தற்போது, “தமிழ்நாட்டில் தயாரிக்கப்படும் இ-ஸ்கூட்டர்களுக்கு சீமான் என்று பெயர் சூட்டப்பட்டுள்ளது-பவிஷ் அகர்வால் தகவல்” என்னும் நியூஸ் கார்டு ஒன்று சமூக வலைத்தளங்களில் வைரலாகிறது.

Facebook Link

Facebook Link

Facebook Link

சமூக வலைத்தளங்களில் பரவி வரும் இத்தகவலின் உண்மைத்தன்மைக் குறித்து அறிய இத்தகவல் குறித்து நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.

Fact check/ Verification:

ஓலா நிறுவனம் தமிழ்நாட்டில் தயாரிக்கும் இ-ஸ்கூட்டர்களுக்கு சீமான் என்று பெயர் சூட்டப் பட்டுள்ளது என்பதாக பரவும் நியூஸ் கார்டு குறித்த உண்மையறிய அதுகுறித்த ஆய்வில் ஈடுபட்டோம்.

அப்போது, குறிப்பிட்ட அந்த வைரல் நியூஸ் கார்டு நியூஸ் 7 செய்திநிறுவன நியூஸ் கார்டு போன்று பரவிய நிலையில், வைரலாகும் செய்தி மற்றும் நியூஸ் கார்டு போலியாக எடிட் செய்யப்பட்டது என்பதை நியூஸ் 7, தனது அதிகாரப்பூர்வ சமூக வலைத்தளப் பக்கத்தில் குறிப்பிட்டுள்ளது.

“தமிழ்நாட்டில் ஓலா இ-ஸ்கூட்டர் ஆலை வருங்காலத்தில் பெண்களால் முழுமையாக நிர்வகிக்கப்படும் என்று தலைமை நிர்வாகி பவிஷ் அகர்வால் தகவல்” என்கிற நியூஸ் கார்டினை எடுத்து குறிப்பிட்ட வைரல் நியூஸ் கார்டு உருவாக்கப்பட்டுள்ளது.

எனவே, குறிப்பிட்ட அச்செய்தி போலியானது என்பது நமக்கு உறுதியானது.

Conclusion:

ஓலா நிறுவனம் தமிழ்நாட்டில் தயாரிக்கும் இ-ஸ்கூட்டர்களுக்கு சீமான் என்று பெயர் சூட்டப் பட்டுள்ளது என்பதாக பரவும் நியூஸ் கார்டு போலியானது என்பதை உரிய ஆதாரத்துடன் விளக்கியுள்ளோம்.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: False

Our Sources:

Drives park: https://tamil.drivespark.com/two-wheelers/2021/ola-electric-scooter-s1-rolls-out-from-future-factory-029148.html

News 7 Tamil: https://mobile.twitter.com/news7tamil/status/1438050136794431491

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)