சீமானை நாய் என்று குறிப்பிட்டு அட்டைப்படம் வெளியிட்டதா விகடன்?

விகடன் ஊடகம் சீமானை நாய் என்று குறிப்பிட்டு அட்டைப்படம் வெளியிட்டதாக புகைப்படம் ஒன்று சமூக ஊடகங்களில் பரவி வருகின்றது.

Post Link

Post Link

Post Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: ஜெயலலிதா காலில் விஜய் விழுந்ததாக பரவும் எடிட் படம்!

Fact Check/Verification

சீமானை நாய் என்று குறிப்பிட்டு விகடன் அட்டைப்படம் வெளியிட்டதாக பரவும் புகைப்படத்தில் ‘கண்டுக்கொள்ளாத’ எனும் வார்த்தை ‘கண்டுக்கொள்ளதா’ என்று எழுத்துப்பிழையுடன் எழுதப்பட்டிருப்பதை காண முடிந்தது.

இது நமக்கு சந்தேகத்தை ஏற்படுத்தவே வைரலாகும் அட்டைப்படம் குறித்து விகடனின் சமூக ஊடகப் பக்கங்களில் ஆராய்ந்தோம். அதில் “இந்த வார விகடன் ப்ளஸ் அட்டைப்படம்!” என்று குறிப்பிட்டு விகடன் இன்ஸ்டாகிராம் பக்கத்தில் வைரலாகும் படம் பகிரப்பட்டிருப்பதை காண முடிந்தது.

ஆனால் அந்த அட்டைப்படத்தில் “நாதகவை கண்டுக்கொள்ளாத விஜய்; சீமான் சோகம்” என்கிற வாசகம் இடம்பெற்றிருக்கவில்லை. இதன்படி பார்க்கையில் வைரலாகும் அட்டைப்படம் எடிட் செய்யப்பட்டது என்பதை அறிய முடிந்தது.

இதனையடுத்து விகடனின் ஆசிரியர்களுள் ஒருவரான பிரிட்டோவை நியூஸ்செக்கர் சார்பில் தொடர்புக் கொண்டு பேசுகையில் “வைரலாகும் அட்டைப்படம் எடிட் செய்யப்பட்டது” என்பதை அவரும் உறுதி செய்தார்.  

வாசகர்களின் புரிதலுக்காக உண்மையான அட்டைப்படத்தையும், எடிட் செய்யப்பட்ட அட்டைப்படத்தையும் கீழே ஒப்பிட்டு காட்டியுள்ளோம்.

Also Read: தவெக தலைவர் விஜய் மாநாட்டில் கலந்து கொள்வதற்காக வாங்கிய கேரவன் என்று பரவும் புகைப்படம் உண்மையா?

Conclusion

சீமானை நாய் என்று குறிப்பிட்டு விகடன் அட்டைப்படம் வெளியிட்டதாக பரவும் புகைப்படம் எடிட் செய்யப்பட்டதாகும்.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Instagram post by Vikatan, dated August 25, 2025
Telephonic Conversation with Britto, Editor, Vikatan