திமுக ஆட்சியில் போடப்பட்ட தரமற்ற சாலை என்று பரவும் புகைப்படம் உண்மையா?

திமுக ஆட்சியில் போடப்பட்ட தரமற்ற சாலை என்று புகைப்படம் ஒன்று சமூக வலைத்தளங்களில் பரவி வருகிறது.

“மறக்க முடியாத ஆட்சி. இதைவிட வேணுமா சாட்சி” என்று இந்த புகைப்படம் பரவுகிறது.

Facebook Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: கேரளாவில் இந்துக்களின் இசை நிகழ்ச்சியை இஸ்லாமியர்கள் தடுத்தனரா?

Fact Check/Verification

திமுக ஆட்சியில் போடப்பட்ட தரமற்ற சாலை என்று பரவும் புகைப்படம் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் புகைப்படத்தை ரிவர்ஸ் இமேஜ் சர்ச் மூலமாகத் தேடியபோது கடந்த 2012ஆம் ஆண்டு ஜூலை 23 அன்று Alfa College of Engineering & Technology, Allagadda என்கிற ஃபேஸ்புக் பக்கத்தில் இப்புகைப்படம் இடம்பெற்றிருப்பதைக் காண முடிந்தது.

தொடர்ந்து, கடந்த ஏப்ரல் 30, 2015 அன்று Times Of India வெளியிட்டுள்ள புகைப்படத் தொகுப்பில் இந்த புகைப்படம் பிரயாக்ராஜில் எடுக்கப்பட்டதாக குறிப்பிடப்பட்டுள்ளது.

குறிப்பிட்ட புகைப்படமே தற்போது திமுக ஆட்சியில் சாலைகளின் நிலை என்று பரவுகிறது.

Also Read: ‘Sorry வேண்டாம் – Sorry கேளு’… குழப்புமுறும் வகையில் பதாகை பிடித்திருந்தாரா விஜய்?

Conclusion

திமுக ஆட்சியில் போடப்பட்ட தரமற்ற சாலை என்று பரவும் புகைப்படம் கடந்த 2012ஆம் ஆண்டு முதலே பரவி வருகிறது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
Facebook Post from, Alfa College of Engineering & Technology, Dated July 23, 2012
TOI photos from, April 30, 2015