சாட்டை துரைமுருகன் நாதகவில் இருந்து விலகியதாகப் பரவும் நியூஸ்கார்ட் உண்மையா?

Claim: நாதக மாநில ஒருங்கிணைப்பாளர் சாட்டை துரைமுருகன் அக்கட்சியில் இருந்து விலகுவதாக அறிவிப்பு

Fact: வைரலாகும் நியூஸ்கார்ட் போலியாக எடிட் செய்யப்பட்டு பரவுகிறது.

சாட்டை துரைமுருகன் நாம் தமிழர் கட்சியில் இருந்து விலகியதாக நியூஸ்கார்ட் ஒன்று சமூக வலைத்தளங்களில் பரவி வருகிறது.

”நாதக மாநில ஒருங்கிணைப்பாளர் சாட்டை துரைமுருகன் அக்கட்சியில் இருந்து விலகுவதாக அறிவிப்பு. வலதுசாரிகளின் வழிகாட்டுதலில் தமிழுக்கும், தமிழ் தேசியத்திற்கும் சீமான் துரோகம் செய்து வருவதாக அவர் அறிக்கை” என்று இந்த நியூஸ்கார்ட் பரவி வருகிறது.

Facebook Link/Archived Link

Facebook Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: கலைஞரை கூட விமர்சியுங்கள்; பெரியாரை விமர்சிக்க வேண்டாம் என்றாரா முதலமைச்சர் மு.க.ஸ்டாலின்?

Fact Check/Verification

சாட்டை துரைமுருகன் நாம் தமிழர் கட்சியில் இருந்து விலகியதாகப் பரவும் நியூஸ்கார்ட் குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் நியூஸ்கார்ட் சன் நியூஸ் வெளியிட்டதாகப் பரவிய நிலையில் அவர்களுடைய அதிகாரப்பூர்வ சமூக வலைத்தளப்பக்கத்தை ஆராய்ந்தோம். அப்போது, அதில் “நாதக மாநில ஒருங்கிணைப்பாளர் ஜெகதீச பாண்டியன், கட்சியில் இருந்து விலகல்” என்று இந்த நியூஸ்கார்ட் இடம்பெற்றிருந்தது.

குறிப்பிட்ட நியூஸ்கார்டினையே எடிட் செய்து பரப்பி வருகின்றனர் என்பது இதன்மூலம் உறுதியாகியது.

மேலும், இந்த நியூஸ்கார்ட் போலியானது என்று துரைமுருகன் தனது X தளத்தில் பதிவிட்டுள்ளார்.

Also Read: பட்ஜெட் தொடங்கும் முன்பே எதிர்க்கட்சி எம்.பி.க்கள் கேண்டீன் சென்றதாக பரவும் தகவல் உண்மையானதா?

Conclusion

சாட்டை துரைமுருகன் நாம் தமிழர் கட்சியில் இருந்து விலகியதாகப் பரவும் நியூஸ்கார்ட் போலியானது என்பது  நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: Altered Photo

Our Sources
X post by Sattai Duraimurugan, Dated February 03, 2025
Facebook Post from, Sun News Tamil, Dated January 31, 2025

(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)