சால்வை போட வந்தவரிடம் ‘நிதி கொண்டு வந்தாயா’ என கேட்டாரா சீமான்?

Claim: சால்வை போட வந்தவரிடம் நிதி கொண்டு வந்தாயா என கேட்டார் சீமான்.

Fact: வைரலாகும் வீடியோ எடிட் செய்யப்பட்டதாகும்.  சீமான் வேறொரு தருணத்தில் பேசிய ஆடியோவை வைத்து இவ்வீடியோ உருவாக்கப்பட்டுள்ளது.

“அதென்ன நிதி கொண்டுவந்தாயா என்று திமிராக… அய்யா சாமி தர்மம் பண்ணுங்க சாமி னு கேக்க மாட்டாரோ அதிபர்…” என்று தலைப்பிட்டு வீடியோ ஒன்று சமூக ஊடகங்களில் பரவி வருகின்றது.

அவ்வீடியோவில் சீமானுக்கு ஒருவர் சால்வை போட வர, சீமான் சால்வையை பிடுங்கி அவரிடமே தந்து செல்வதாய் இருந்தது. மேலும், “நிதி கொண்ணாந்தியா… பத்து பைசாவுக்கு புரியோஜனமில்லாததை வச்சுக்கிட்டு..” என்று சீமான் பேசுவதாகவும் இருந்தது.

இவ்வீடியோவை பலரும் பகிர்ந்து வருகின்றனர்.

X Link | Archive Link

Archive Link

Archive Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: பிரிக்ஸ் மாநாட்டின் முக்கிய நிகழ்ச்சியில் பிரதமர் மோடி விரட்டியடிக்கப்பட்டாரா?

Fact Check/Verification

சால்வை போட வந்தவரிடம் நிதி கொண்டு வந்தாயா என சீமான் கேட்டதாக பரவும் வீடியோவை தனித்தனி கீஃபிரேம்களாக பிரித்து, அவற்றை ரிவர்ஸ் சர்ச் முறைக்கு உட்படுத்தி தேடினோம்.

இத்தேடலில் நியூஸ் தமிழ் ஊடகம் ‘சால்வை போட வந்த தம்பியை பங்கம் பண்ண அண்ணன்!’ என்று தலைப்பிட்டு வைரலாகும் வீடியோவை அதன் யூடியூப் பக்கத்தில் பதிவிட்டிருந்ததை காண முடிந்தது. அவ்வீடியோவில் “நிதி கொண்ணாந்தியா” என்று சீமான் பேசி இருக்கவே இல்லை.

இதனையடுத்து ‘நிதி கொண்ணாந்தியா’ எனும் வாசகத்தை சீமான் பேசியுள்ளாரா என்று தேடுகையில் ‘ItsKaral’ என்ற பயனர் ஐடியை கொண்ட எக்ஸ் பக்கத்தில் டிசம்பர் 15, 2023 அன்று சீமானை கேலி செய்து வீடியோ ஒன்று பதிவிட்டிருந்ததை காண முடிந்தது. அவ்வீடியோவில் சீமான் சத்தியா என்பவரிடம் ‘நிதி கொண்ணாந்தியா’ என்று கேட்டு, அவரிடமிருந்து நிதி வாங்குவதை காண முடிந்தது.

இதன்படி பார்க்கையில் சீமான் இத்தருணத்தில் பேசிய ஆடியோவை எடுத்து, நியூஸ் தமிழ் வெளியிட்ட வீடியோவுடன் இணைத்து வைரலாகும் வீடியோ உருவாக்கப்பட்டுள்ளது என அறிய முடிகின்றது.னமலர் வெளியிட்ட வீடியோவில் ஆடியோ மாற்றப்பட்டு வைரலாகும் வீடியோ உருவாக்கப்பட்டுள்ளது என அறிய முடிகின்றது.

Also Read: பாடகர் யேசுதாஸின் மகன் விஜய் யேசுதாஸின் மகளா இவர்?

Conclusion

சால்வை போட வந்தவரிடம் நிதி கொண்டு வந்தாயா என சீமான் கேட்டதாக பரவும் வீடியோ எடிட் செய்யப்பட்டதாகும். சீமான் வேறொரு தருணத்தில் “நிதி கொண்ணாந்தியா” என்று பேசிய ஆடியோவை நியூஸ் தமிழ் வெளியிட்ட செய்தி வீடியோவின் இடையில் செருகி, வைரலாகும் வீடியோ உருவாக்கப்பட்டுள்ளது.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Result: Altered Video

Our Sources
Report from News Tamil 24×7, Dated November 21, 2023
X post from the user, @ItsKaral, Dated December 15, 2023

உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ +91 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.

எங்கள் இணையத்தளத்தில் உள்ள  Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்