தவெக தலைவர் விஜய் பனையூரில் பதுங்கியதாக விமர்சனம் செய்தாரா நடிகர் சூரி?

தவெக தலைவர் விஜய் மக்களுடன் நிற்காமல் பனையூரில் பதுங்கியதாக நடிகர் சூரி விமர்சனம் என்பதாக நியூஸ்கார்ட் ஒன்று சமூக வலைத்தளங்களில் பரவி வருகிறது.

”பேரழிவோ, பெருந்துயரமோ, ஒரு அரசியல் கட்சி அன்றாடம் எப்போதும் மக்களுடன் நிற்க வேண்டும்!
ஆனால், ஒரு குறிப்பிட்ட கட்சி அதன் அலுவலகத்துக்கு பூட்டு போட்டுவிட்டுது, அதன் தலைவரோ பனையூரில் பதுங்கிக்கொண்டார். -நடிகர் சூரி” என்று இந்த நியூஸ்கார்ட் பரவுகிறது.

X Link/Archived Link

X Link/Archived Link

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: தலைவன் என்று சொல்லிக்கொள்ள விஜய்க்கு தகுதியில்லை என்று விமர்சித்தாரா இயக்குநர் சேரன்?

Fact Check/Verification

தவெக தலைவர் விஜய் மக்களுடன் நிற்காமல் பனையூரில் பதுங்கியதாக விமர்சனம் செய்த நடிகர் சூரி என்று பரவும் செய்தி குறித்த உண்மையறிய அதுபற்றிய ஆய்வில் ஈடுபட்டோம்.

Political Talkies என்கிற சமூக வலைத்தளப்பக்கத்தில் வெளியாகிய இந்த நியூஸ்கார்டினை பலரும் உண்மை என்பதாக ஷேர் செய்து வருகின்றனர். இந்நிலையில், நடிகர் சூரி தனது அதிகாரப்பூர்வ சமூக வலைத்தளப்பக்கத்தில் இந்த செய்தி போலியானது என்று தெளிவாக விளக்கமளித்துள்ளார்.

”தம்பி, தவறான தகவலைப் பரப்புவது எப்போதும் சமூகத்துக்கு தீங்கையே தரும். ஆகையால் நம்முடைய ஒவ்வொரு செயலிலும் நிதானமும் முதிர்ச்சியும் காட்டுவோம். இந்த சமூகம் நல்ல மாற்றங்களைப் பெற தகுதியானது, அதனால் நன்மையும் அன்பும் பரப்புவதில் உங்கள் சிறந்ததைச் செய்யுங்கள். எனக்கும் பல வேலைகள் உள்ளன, உங்களுக்கும் செய்ய வேண்டியவை இருக்கின்றன. ஆகையால் இப்போது நம்முடைய பணிகளில் முழு கவனம் செலுத்துவோம். ” என்று விளக்கமளித்துள்ளார் சூரி.

இதன்மூலம், வைரலாகும் செய்தி போலியாக பரவுகிறது என்பது நமக்கு உறுதியாகியது.

Also Read: கரூர் சம்பவத்தில் பாதிக்கப்பட்டவர்களை பனையூருக்கு அழைத்துள்ள விஜய் என்று பரவும் நியூஸ்கார்ட் உண்மையா?

Conclusion

தவெக தலைவர் விஜய் மக்களுடன் நிற்காமல் பனையூரில் பதுங்கியதாக விமர்சனம் செய்த நடிகர் சூரி என்று பரவும் செய்தி போலியானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
X Post from, Actor Soori, Dated October 23, 2025
Self Analysis