தலைவன் என்று சொல்லிக்கொள்ள விஜய்க்கு தகுதியில்லை என்று விமர்சித்தாரா இயக்குநர் சேரன்?

தலைவன் என்று சொல்லிக்கொள்ள விஜய்க்கு தகுதியில்லை என்று இயக்குநர் சேரன் கூறியதாக தகவல் ஒன்று சமூக வலைதளங்களில் பரவி வருகிறது.

”தலைவன் என அழைக்கும் அளவிற்கு விஜய்க்கு தகுதி இல்லை என இயக்குனர் சேரன் காட்டம்” என்று இந்த தகவல் பரவுகிறது.

X Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: கரூர் சம்பவத்தில் பாதிக்கப்பட்டவர்களை பனையூருக்கு அழைத்துள்ள விஜய் என்று பரவும் நியூஸ்கார்ட் உண்மையா?

Fact Check/Verification

தலைவன் என்று சொல்லிக்கொள்ள விஜய்க்கு தகுதியில்லை என்று இயக்குனர் சேரன் கூறியதாக பரவும் தகவல் குறித்த உண்மையறிய அதுபற்றிய ஆய்வில் ஈடுபட்டோம்.

கரூர் துயரச் சம்பவம் குறித்து இயக்குனர் சேரன் ஏதேனும் பதிவிட்டிருக்கிறாரா என்று தேடியபோது அவரது X பக்கத்தில், “உயிர் இழந்தவர்கள் குடும்பங்களை கூட வரவைச்சுத்தான் ஆறுதல் சொல்லுவிங்களா சார்… ரொம்ப தவறா இருக்கு
@actorvijay.  நேர்ல ஒவ்வொருவர் வீட்டுக்கு போறதுதான மரியாதை.. அப்போதான் உங்களுக்கு ஏற்பட்டிருக்கும் களங்கம் விலகும். அது முடியாதுன்னா எதுக்குமே உங்களால மக்களோட நிக்கமுடியாது” என்பதாக பதிவிட்டிருந்தார்.

தொடர்ந்து, அதற்கான ரசிகர்களின் எதிர்வினைக்கு “ ஒரு தலைவன் எப்பவும் என் பக்கத்துல வந்து எனக்காக நிப்பான்ற நம்பிக்கை உருவாக்கனும்.. முடியலைன்னா அத வளர்த்துக்கனும்.. ரசிகர் மன்றம் இருக்கவரை யாரும் கேட்கலை. எங்களை எப்போ ஆளனும்னு வர்றிங்களோ அப்போத்தன் இந்த கேள்வி. நல்லது சொல்ல கூட இருங்க .. தவறா சொல்லி ஏத்திவிட வேண்டாம்.” என்று பதிலளித்திருந்தார்.

ஆனால், வைரலாகும் பதிவில் இடம்பெற்றிருப்பது போன்று விஜய்க்கு தலைவனாகும் தகுதியில்லை என்று சேரன் கூறியுள்ளாரா என்று ஆராய்ந்தபோது குறிப்பிட்ட பதிவிலேயே அவர், “இது நான் சொல்லவில்லை.. தவறான செய்தி” என்று விளக்கமளித்திருந்தார்.

இதன்மூலம், இயக்குனர் சேரன் பெயரில் பரவிய தகவல் போலியானது என்பது நமக்கு உறுதியாகிறது.

Also Read: கரூர் சம்பவத்தில் பாதிக்கப்பட்டவர்களை பனையூருக்கு அழைத்துள்ள விஜய் என்று பரவும் நியூஸ்கார்ட் உண்மையா?

Conclusion

தலைவன் என்று சொல்லிக்கொள்ள விஜய்க்கு தகுதியில்லை என்று இயக்குநர் சேரன் கூறியதாக பரவும் தகவல்  போலியானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.  

Sources
X Post By, Director Cheran, Dated October 12, 2025
Self Analysis