எரிவாயு சிலிண்டருக்கு மாநில அரசு 55 சதவீதம் வரி விதிப்பதாக தகவல் ஒன்று சமூக வலைத்தளங்களில் பரவி வருகின்றது.
மக்கள் சமையலுக்கு பயன்படுத்தும் எரிவாயு சிலிண்டரின் விலை நாளுக்கு நாள் அதிகரித்து வரும் நிலையில், எரிவாயு சிலிண்டருக்கு மாநில அரசு 55 சதவீதம் வரி விதிப்பதாலேயே இந்த விலையேற்றம் ஏற்படுவதாக தகவல் ஒன்று சமூக வலைத்தளங்களில் பரவி வருகின்றது.
Also Read: வீடு மற்றும் கடை வாடகைக்கு ஜிஎஸ்டி வசூலிக்கப்படும் என்றாரா நிர்மலா சீதாராமன்?
சமூக வலைத்தளங்களில் பரவி வரும் இத்தகவலின் உண்மைத்தன்மைக் குறித்து அறிய இத்தகவல் குறித்து நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.
Fact Check/Verification
எரிவாயு சிலிண்டருக்கு மாநில அரசு 55 சதவீதம் வரி விதிப்பதாக தகவல் ஒன்று வைரலானதை தொடர்ந்து இதுக்குறித்த ஆய்வில் ஈடுபட்டோம்.
சமையல் எரிவாயு சிலிண்டர் விலையானது கடந்த 2017 ஆம் ஆண்டே ஜிஎஸ்டி வரி விதிப்பின் கீழ் வந்து விட்டது. மத்திய மறைமுக வரிகள் ஆணையத்தின் (the Central Board of Indirect Taxes and Customs (CBIC)) அதிகாரப்பூர்வ இணையத்தளத்தில் கொடுக்கப்பட்டுள்ள தகவலின்படி பார்க்கையில் சமையல் எரிவாயுவுக்கு மொத்தம் 5 சதவீதம் வரி விதிக்கப்படுகின்றது என்பதை அறிய முடிகின்றது.
அதாவது மாநில அரசு 2.5 சதவீதம் வரியும், மத்திய அரசு 2.5 சதவீதம் வரியும் வசூலிக்கின்றது.
இதை தவிர்த்து மத்திய அரசு வெளியிட்ட அறிக்கை ஒன்றிலும் வீட்டிற்கு பயன்படுத்தப்படும் சமையல் எரிவாயுக்கு 5 சதவீதம் விதிக்கப்படும் என்று தெரிவிக்கப்பட்டுள்ளது.
மேற்கிடைத்த ஆதாரங்களின்படி பார்க்கையில் வீட்டிற்கு பயன்படுத்தப்படும் எரிவாயு சிலிண்டருக்கு 5 சதவீதம் மட்டுமே வரி விதிக்கப்படுகின்றது. இதில் மாநில அரசுக்கு 2.5 சதவீதம் மட்டுமே வரி செலுத்தப்படுகின்றது என்பது தெளிவாகின்றது. ஆகவே எரிவாயு சிலிண்டருக்கு மாநில அரசு 55 சதவீதம் வரி வசூலிப்பதாக பரவும் தகவல் தவறானது என்பது உறுதியாகின்றது.
இந்த தகவலானது கடந்த வருடமே சமூக வலைத்தளங்களில் பரவியதை தொடர்ந்து, இதுகுறித்த கட்டுரை நியூஸ்செக்கர் ஆங்கிலப் பிரிவில் வெளியிடப்பட்டுள்ளது. அதை படிக்க: State Government’s Do Not Levy 55% Tax on LPG Cylinders, Viral Message Is False
Conclusion
எரிவாயு சிலிண்டருக்கு மாநில அரசு 55 சதவீதம் வரி விதிப்பதாக சமூக வலைத்தளங்களில் பரவும் தகவல் தவறானது என்பதை உரிய ஆதாரங்களுடன் விளக்கியுள்ளோம்.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: False
Source
Article on Daily Thanthi
Central Board of Indirect Taxes and Customs
Government of India circular
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
