தமிழ்நாட்டில் பட்டப்பகலில் ஒருவர் வெட்டிக் கொல்லப்பட்டதாக பரவும் வீடியோத்தகவல் உண்மையானதா?

தமிழ்நாட்டில் பட்டப்பகலில் ஒருவர் வெட்டிக் கொல்லப்பட்டதாக வீடியோ ஒன்று பரவியதை தொடர்ந்து அவ்வீடியோவை தனித்தனி புகைப்படங்களாக பிரித்து, அவற்றை ரிவர் சர்ச் முறைக்கு உட்படுத்தி, அவ்வீடியோ குறித்து தேடினோம்.

Post Link

Post Link

Post Link

Also Read: அன்வர் ராஜா போனால் போகட்டும்; அதிமுகவிற்கு இஸ்லாமிய வாக்குகள் தேவையில்லை என்றாரா ராஜேந்திர பாலாஜி?

Fact Check/Verification

அத்தேடலில் BNN Channel எனும் எக்ஸ் பக்கத்தில் அயான் குரேஷி எனும் இளைஞர் தெலங்கானா மாநிலத்தின் ஹதராபாத் நகரத்தில் உள்ள ரெட் ஹில்ஸ் பகுதியில் கொல்லப்பட்ட சிசிடிவி வீடியோ என்று குறிப்பிட்டு வைரலாகும் வீடியோவை மே 16, 2025 அன்று பகிர்ந்திருப்பதை காண முடிந்தது

இதை அடிப்படையாக வைத்து தொடர்ந்து தேடுகையில் இக்கொலை சம்பவத்தில் தொடர்புடைய நான்கு பேர் கைது செய்யப்பட்டதாக தி இந்து செய்தி வெளியிட்டிருப்பதை காண முடிந்தது.

2020-ல் நடந்த மற்றொரு கொலைக்கு பழிவாங்குவதற்காக இக்கொலை நடைப்பெற்றது என்று போலீஸ் தரப்பில் கூறப்பட்டதாக இச்செய்தியில் தெரிவிக்கப்பட்டிருந்தது. இச்செய்தியிலும் அச்சம்பவம் ஹைதராபாத்தில் நடந்ததாகவே தெரிவிக்கப்பட்டிருந்தது.

தொடர்ந்து தேடுகையில் டைம்ஸ் ஆஃப் இந்தியா, ஏ.என்.ஐ, முன்சிஃப் நியூஸ் உள்ளிட்ட ஊடகங்களிலும் இச்சம்பவம் ஹைதராபாத்தில் நடந்ததாக செய்தி வெளியிட்டுருப்பதை காண முடிந்தது.

Also Read: இன்பநிதி பாசறை மாநில ஒருங்கிணைப்பாளராக திமுகவில் நியமிக்கப்பட்டுள்ளாரா அன்வர் ராஜா?

Conclusion

தமிழ்நாட்டில் பட்டப்பகலில் இளைஞர் வெட்டிக் கொல்லப்பட்டதாக பரவும் வீடியோத்தகவல் முற்றிலும் தவறானதாகும். வைரலாகும் வீடியோவில் காணப்படும் சம்பவம் தமிழ்நாட்டில் நடக்கவில்லை;  தெலங்கானா மாநிலம் ஐதராபாத்தில் நடந்ததாகும்.

இந்த உண்மையானது கிடைத்த ஆதாரங்களின் வாயிலாக தெளிவாகியுள்ளது. ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
X post by BNN Channel, dated May 16, 2025
Report from The Hindu, dated May 17, 2025
Report from Times of India, dated May 17, 2025
Report from ANI, dated May 16, 2025
Report from Munsif News, dated May 16, 2025