தூய்மைப் பணியாளர்கள் போராட்டத்தில் இருந்து தெறித்து ஓடிய தவெகவினர் என்ற வீடியோ உண்மையா?

தூய்மைப் பணியாளர்கள் போராட்டத்தில் இருந்து தெறித்து ஓடிய தவெகவினர் என்பதாக வீடியோ ஒன்று சமூக வலைத்தளங்களில் பரவி வருகிறது.

” சென்னை மாநகராட்சி முன்பு போராட்டத்தில் ஈடுபட்டு வரும் தூய்மை பணியாளர்களை அப்புறப்படுத்த உத்தரவு காவல்துறைக்கு நீதிமன்றம் உத்தரவு – செய்தி நீதிமன்றத்தின் தீர்ப்பை கேட்டதை அடுத்து போரட்ட களத்தில் இருந்த தவெகவினர் ஓட்டம்” என்று இந்த வீடியோ பரவுகிறது.

X Link/Archived Link

Facebook Link/Archived Link

சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய நியூஸ்செக்கர் தமிழ் சார்பில் அதுக்குறித்து ஆய்வு செய்ய முடிவு செய்தோம்.

Also Read: வாக்கு திருட்டு சர்ச்சை; பாஜக MLA நந்த் கிஷோர் பொதுமக்களால் அடித்து விரட்டப்பட்டாரா?

Fact Check/Verification

தூய்மைப் பணியாளர்கள் போராட்டத்தில் இருந்து தெறித்து ஓடிய தவெகவினர் என்பதாக பரவும் வீடியோ குறித்த உண்மையறிய அதுபற்றிய ஆய்வில் ஈடுபட்டோம்.

வைரலாகும் வீடியோவைக் கீ-ப்ரேம்களாகப் பிரித்து ரிவர்ஸ் சர்ச் முறைக்கு உள்ளாக்கியபோது இந்த வீடியோ கடந்த ஏப்ரல் 04, 2025 அன்று நியூஸ் தமிழ் 24×7 வெளியிட்டிருந்த செய்தியில் நமக்குக் கிடைத்தது.

கடந்த ஏப்ரல் மாதத்தில் தவெக சார்பில் வக்ஃப் வாரிய சட்டத் திருத்த மசோதாவிற்கு எதிர்ப்பு தெரிவித்து தவெக சார்பில் மாநில முழுவதும் ஆர்ப்பாட்டம் நடத்தப்பட்ட நிலையில், சென்னை அமைந்தகரை பகுதியில் உரிய அனுமதி இன்றி தவெக கட்சியினரின் போராட்டம் ஏற்பாடு செய்யப்பட்டிருந்தது. இந்நிலையில், அவர்களை காவல்துறையினர் கைது செய்ய முயன்றபோது பலரும் அங்கிருந்து கைது என்பதால் கலைந்து ஓடியதாக செய்தி ஊடகங்களில் வெளியாகியுள்ளது.

இந்த செய்தி வீடியோவே தற்போது துப்புரவு பணியாளர்கள் போராட்டத்துடன் தொடர்பு படுத்தி பரப்பப்படுகிறது.

Also Read: ராகுல் காந்தி சட்டைக்குள் பெண்கள் உள்ளாடை அணிந்திருந்ததாக பரவும் புகைப்படம் உண்மையா?

Conclusion

தூய்மைப் பணியாளர்கள் போராட்டத்தில் இருந்து தெறித்து ஓடிய தவெகவினர் என்பதாகப் பரவும் வீடியோ தகவல் தவறானது என்பது நமக்குக் கிடைத்த ஆதாரங்களின் வாயிலாக தெளிவாகியுள்ளது.

ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.

Sources
YouTube Video by NewsTamil24x7, dated April 04, 2025
YouTube Video by Nakkheeran Kalam, dated April 04, 2025