‘பேசாமல் ஏமாற்றிய தலைவா’ என்று விஜயை கூறினாரா தவெக நிர்வாகி?

விஜயை ‘பேசாமல் ஏமாற்றிய தலைவா’ என்று தவெக நிர்வாகி கூறினார்.

சமூக ஊடகங்களில் வந்த பதிவை இங்கே, மற்றும் இங்கே காணலாம்.

Also Read: தவெக போராட்டத்தில் பெண்கள் அவமதிக்கப்பட்டனரா?

தவெக தலைவர் விஜயை ‘பேசாமல் ஏமாற்றிய தலைவா’ என்று தவெக நிர்வாகி கூறியதாக வீடியோ ஒன்று பரவியதை தொடர்ந்து இதுக்குறித்து தேடினோம்.

வைரலாகும் வீடியோவில் காணப்படும் நிகழ்வு அண்மையில் மாமல்லபுரத்தில் நடந்த தவெக கூட்டத்திற்கு தொடர்புடையது என்று அறிய முடிந்தது. அவ்வீடியோவில் பாலிமர் நியூஸின் லோகோ இடம்பெற்றிருந்தால் அந்த ஊடகத்தின் யூடியூப் பக்கத்தில் வைரலாகும் வீடியோ குறித்து தேடினோம்.

அத்தேடலில் “பாசிசம் – பாயசம்.. அடுக்கு மொழியில் அனல் பறக்க பேசி விஜய்யை சிரிக்க வைத்த தஞ்சை மாவட்ட செயலாளர்” என்று தலைப்பிட்டு வீடியோ ஒன்று பதிவிடப்பட்டிருப்பதை காண முடிந்தது. அதில் வைரலாகும் வீடியோவில் காணப்படும் தஞ்சாவூர் மத்திய மாவட்ட தவெக செயலாளர் தஞ்சை ஆர்.விஜய் சரவணன் என்பவரின் பேச்சு  இடம்பெற்றிருந்தது.

விஜய் சரவணனின் பேச்சை கூர்ந்து கவனிக்கையில் வைரலாகும் வீடியோ எடிட் செய்யப்பட்டது என அறிய முடிந்தது.

இவர் பேசுகையில், “பேசி பேசி ஏமாற்றிய தலைவர்களுக்கு முன்னால் பேசாமல் புரட்சி செய்கின்ற எங்கள் தலைவா!” என்று (48 ஆவது வினாடியில்) விஜயை புகழ்ந்திருந்தார்.

இப்பகுதியை எடிட் செய்தே வைரலாகும் வீடியோ உருவாக்கப்பட்டுள்ளது. ‘புரட்சி செய்கின்ற’ எனும் வாசகத்துக்கு பதிலாக ‘ஏமாற்றிய’ என்று அவர் பேசிய வார்தையை மாற்றி எடிட் செய்துள்ளனர்.

இதனையடுத்து தேடுகையில் தினமணி, புதிய தலைமுறை, நியூஸ் தமிழ், சன் நியூஸ் உள்ளிட்ட ஊடகங்களின் யூடியூப் பக்கங்களிலும் இக்கூட்டத்தின் வீடியோ பதிவிடப்பட்டிருந்ததை காண முடிந்தது.

அவ்வீடியோக்களிலும் “பேசாமல் புரட்சி செய்கின்ற எங்கள் தலைவா” என்று விஜயை தவெக நிர்வாகி புகழ்வதை கேட்க முடிந்தது.

Sources
YouTube Video by Polimer News, dated November 5, 2025
YouTube Video by Dinamani, dated November 5, 2025
YouTube Video by Pudhiya Thalaimurai, dated November 5, 2025
YouTube Video by News Tamil 24X7, dated November 5, 2025
YouTube Video by Sun News, dated November 5, 2025