Claim: பாஜக தலைவர்களின் ஆடியோ, வீடியோ ஆதாரங்கள் அண்ணாமலையிடம் சிக்கியுள்ளது என்றார் சிடிஆர் நிர்மல்குமார்
Fact: இத்தகவல் தவறானது என்று சிடிஆர் நிர்மல்குமார் மறுத்துள்ளார்
பாஜக தலைவர்கள் பலரின் ஆடியோ, வீடியோ ஆதாரங்கள் அண்ணாமலையிடம் சிக்கியுள்ளதாக பாஜகவிலிருந்து நிர்மல்குமார் கூறியதாக நியூஸ்கார்டுகள் சமூக வலைத்தளங்களில் பரவி வருகின்றது.
வைரலாகும் இப்பதிவுகளின் சேமிப்பு பதிவுகளை இங்கே, மற்றும் இங்கே காணலாம்.
சமூக ஊடகங்களில் பரவி வரும் இத்தகவலின் உண்மைத்தன்மைக் குறித்து அறிய இத்தகவல் குறித்து நியூஸ்செக்கர் தமிழ் சார்பில் ஆய்வு செய்ய முடிவு செய்தோம்.
Factcheck / Verification
பாஜக தலைவர்களின் ஆடியோ, வீடியோ ஆதாரங்கள் அண்ணாமலையிடம் சிக்கியுள்ளது என்று நிர்மல்குமார் கூறியதாக தகவல் ஒன்று வைரலானதை தொடர்ந்து இதுக்குறித்து ஆய்வு செய்தோம்.
வைரலாகும் இத்தகவல் புதிய தலைமுறை மற்றும் ஜூனியர் விகடனின் நியூஸ்கார்ட் டெம்ப்ளேட்டுகளை பயன்படுத்தி பரப்பப்படுவதால், இந்நிறுவனங்கள் இவ்வாறு நியூஸ்கார்டை வெளியிட்டதா என அவற்றின் சமூக ஊடகப் பக்கங்களை ஆராய்ந்தோம். அதில் இந்த நியூஸ்கார்டுகளை இந்நிறுவனங்கள் வெளியிட்டதற்கான எந்த தரவும் கிடைக்கவில்லை.
இதனையடுத்து விகடன் ஆசிரியர்களுள் ஒருவரான பிரிட்டோவைத் தொடர்புக் கொண்டு வைரலாகும் ஜூனியர் விகடன் நியூஸ்கார்ட் குறித்து விசாரிக்கையில், அவர் ‘அந்த நியூஸ்கார்ட் போலியானது, அதை நாங்கள் வெளியிடவில்லை’ என்று தெளிவுப்படுத்தினார்.
இதனைத் தொடர்ந்து புதிய தலைமுறை டிஜிட்டல் தலைவர் இவானியைத் தொடர்புக் கொண்டு புதிய தலைமுறை நியூஸ்கார்ட் குறித்து விசாரித்தோம். அவரும் ‘வைரலாகும் நியூஸ்கார்ட் போலியானது’ என்று உறுதி செய்தார்.
இதனையடுத்து சிடிஆர் நிர்மல்குமாரை தொடர்புக் கொண்டு வைரலாகும் தகவல் குறித்து விசாரிக்கையில், ‘இத்தகவல் முற்றிலும் பொய்யானது’ என்று மறுப்பு தெரிவித்தார்.
Also Read: Fact Check: அமைச்சர் சக்கரபாணியின் காலில் விழுந்த மாணவிகள் என்று பரவும் தவறான செய்தி!
Conclusion
பாஜக தலைவர்களின் ஆடியோ, வீடியோ ஆதாரங்கள் அண்ணாமலையிடம் சிக்கியுள்ளது என்று நிர்மல்குமார் கூறியதாக சமூக ஊடகங்களில் பரவும் தகவல் தவறானது என்பது நமக்கு கிடைத்த ஆதாரங்களின் வாயிலாக தெளிவாகியுள்ளது.
ஆகவே வாசகர்கள் யாரும் இத்தகவலை நம்ப வேண்டாம் என்று நியூஸ்செக்கர் தமிழ் சார்பில் கேட்டுக் கொள்கின்றோம்.
Result: False
Our Sources
Phone Conversation with CTR Nirmal Kumar, dated March 10, 2023
Phone Conversation with I.Britto, Editor, Vikatan, dated March 10, 2023
Phone Conversation with Ivany, Digital Head, Puthiya Thalaimurai, dated March 10, 2023
(உங்களுக்கு ஏதேனும் ஒரு தகவல் குறித்து சந்தேகம் ஏற்பட்டாலோ அல்லது ஏதாவது ஒரு தகவலின் உண்மைத்தன்மைக் குறித்து அறிய விரும்பினாலோ 9999499044 என்கிற வாட்ஸ்ஆப் எண்ணிற்கோ, அல்லது checkthis@newschecker.in என்ற மின்னஞ்சல் முகவரிக்கோ உங்கள் கேள்விகளை அனுப்பலாம்.
எங்கள் இணையத்தளத்தில் உள்ள Contact Us பக்கத்திற்குச் சென்று அதில் உள்ள படிவத்தைப் பூர்த்தி செய்தும் அனுப்பலாம்)
