گولگپے کے پانی میں ہارپک ملانے کی یہ ویڈیو اسکرپٹیڈ ہے

Claim

سوشل میڈیا پر شیئر کی گئی ایک ویڈیو میں دعویٰ کیا گیا ہے کہ زبیر نامی دکاندار گولگپے کے پانی میں ہارپک ملا رہا ہے۔ اس ویڈیو کے ذریعے ایک خاص مذہب کو نشانہ بنایا جا رہا ہے۔

Fact

دعوے کی حقیقت جاننے کے لیے ہم نے اس ویڈیو کو غور سے دیکھنا شروع کیا۔ اس دوران تقریباً 3 منٹ 40 سیکنڈ پر ایک ڈس کلیمر سامنے آیا، جس میں لکھا تھا، ‘یہ ویڈیو اسکرپٹیڈ ہے اور تمام واقعات اور کردار فرضی ہیں۔’

اس کے بعد ہم نے کچھ کیورڈز کی مدد سے فیس بک پر سرچ کیا۔ اس دوران ہمیں 7 جولائی 2022 کو ‘گیان بھنڈر’ نامی فیس بک پیج پر اپلوڈ شدہ ایک پوسٹ ملی۔ اس پوسٹ میں بھی وہی ویڈیو اپلوڈ کی گئی ہے جو اس وقت سوشل میڈیا پر وائرل ہے۔

اس کے کیپشن میں لکھا ہے، “ڈس کلیمر، یہ ویڈیو افسانوی ہے، ویڈیو میں تمام واقعات اسکرپٹ کئے گئے ہیں اور تفریحی مقصد کے لئے بنائے گئے ہیں، یہ کسی بھی قسم کی سرگرمی کو فروغ نہیں دیتا۔ اس کا کسی بھی زندہ یا مردہ انسان، یا حقیقی واقعات سے کوئی تعلق نہیں ہے۔”

اس سے واضح ہوگیا کہ سوشل میڈیا پر وائرل ویڈیو اسکرپٹیڈ ہے۔ ہم نے اس فیس بک پیج کا ‘انٹرو’ سیکشن دیکھا، جہاں لکھا ہے کہ واضح رہے کہ ہم لوگوں کو دھوکہ دہی سے بچانے اور انہیں آگاہ کرنے کے لئے صرف اسکرپٹیڈ ویڈیوز بناتے ہیں۔

اس کے علاوہ ہم نے گیان بھنڈر فیس بک پیج کے ایڈمن سے بھی رابطہ کیا ہے۔ ان کا جواب موصول ہونے پر مضمون کو اپ ڈیٹ کردیا جائے گا۔

Result: False

اس آرٹیکل کو ہندی ٹیم کے شبھم نے لکھا ہے۔

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044