Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
Claim
امریکہ میں آنے والے حالیہ سمندری طوفان ملٹن کے مناظر۔
Fact
وائرل ویڈیو میں نظر آنے والے سبھی مناظر پرانے اور مختلف طوفانوں کے ہیں۔
سوشل میڈیا ہینڈل ایکس پر 1 منٹ کی ایک ویڈیو کو امریکی ریاست فلوریڈا میں آنے والے حالیہ سمندری طوفان ملٹن کا بتاکر شیئر کیا جا رہا ہے۔ جس میں 4 مختلف مقامات کے طوفانوں کے مناظر کو دیکھا جا سکتا ہے۔
اس کے علاوہ چند صارفین کا ویڈیو کے حوالے سے دعویٰ ہے کہ یہ مناظر امریکہ سے اسرائیل کے لئے مال لے جانے والے ایئرپورٹ پر قدرتی آفات کے ہیں۔ صارفین نے ویڈیو کے ساتھ کیپشن میں لکھا ہے “امریکہ اسرائیل کے لیے مال لے جانے والے ائرپورٹ پر بھی قدرت کی بمباری”۔
ان دنوں امریکی ریاست فلوریڈا ملٹن طوفان کی زد میں ہے۔ وائس آف امریکہ اردو کی ایک رپورٹ کے مطابق سمندری طوفان ملٹن میں ہواؤں کی رفتار 155 میل فی گھنٹہ ہے۔ طوفان کے پیش نظر حکام نے علاقہ چھوڑنے کے احکامات جاری کئے ہیں۔ اسی کے پیش نظر ایک منٹ کی ایک ویڈیو شیئر کی جا رہی ہے۔ جس میں 4 مختلف مقامات پر آنے والے طوفان کے مناظر دیکھے جا سکتے ہیں۔ جسے سوشل میڈیا پر امریکہ میں آنے والے حالیہ سمندری طوفان ملٹن کے مناظر کا بتاکر شیئر کیا جا رہا ہے۔
Fact Check/Verification
ویڈیو کا پہلا حصہ
امریکہ میں آنے والے حالیہ سمندری طوفان ملٹن کا بتاکر شیئر کی جا رہی ویڈیو کے پہلے حصے کے ایک فریم کو ہم نے گوگل ریورس امیج سرچ کیا۔ جہاں ہمیں طوفان کا پہلا حصہ ایلرٹس مُنڈیل نامی ایکس ہینڈل پر 26 اگست 2024 کو ہسپانوی کیپشن کے ساتھ شیئر شدہ موصول ہوا۔ ترجمہ کرنے پر معلوم ہوا یہ ویڈیو امریکی ریاست کینساس کے وکیٹا کے میک کونل ایئر فورس بیس کی ہے۔
اس حوالے سے یاہو نیوز ویب سائٹ پر شائع ہونے والی 26 اگست 2024 کی ایک رپورٹ بھی موصول ہوئی۔ اس رپورٹ میں بھی واضح کیا گیا ہے کہ 25 اگست 2024 کو آئے طوفان کا یہ منظر کنساس کے میک کونل ایئر فورس بیس کا ہے۔
ویڈیو کا دوسرا حصہ
ہم نے جب ویڈیو کے دوسرے حصے کے ایک فریم کو گوگل لینس پر تلاشا تو ہمیں ہوبہو ویڈیو 17 جولائی 2024 کو غیر ملکی اخبار دی دیس موئنس رجسٹر کے آفیشل فیس بک پیج پر موصول ہوئی۔ جس کے ساتھ فراہم کردہ معلومات کے مطابق ایون ہیڈلی نامی شخص نے امریکی ریاست لووا کے ڈیس موئنس میں اپنے اپارٹمنٹ سے طوفان کی اس ویڈیو کو موبائل کیمرے میں قید کیا تھا۔ اس حوالے سے دیگر میڈیا رپورٹ یہاں پڑھ سکتے ہیں۔
ویڈیو کا تیسرا حصہ
ویڈیو کے اس حصے کے ایک فریم کو جب ہم نے گوگل ریورس امیج سرچ کیا تو ہمیں یہی ویڈیو مئی 2022 میں شائع ہونے والی پونڈ5 اور وائرل ہوگ نامی ویب سائٹس پر موصول ہوئی۔ ان ویب سائٹس کے مطابق مذکورہ ویڈیو کا یہ حصہ یو ایس اے کے ٹیکساس کے اسکری کا ہے۔ جہاں 12 اپریل 2022 کو طوفان آیا تھا۔ جسے حالیہ ملٹن طوفان کا بتاکر شیئر کیا جا رہا ہے۔
ویڈیو کا چوتھا حصہ
ویڈیو کے چوتھے اور آخری حصے کے چند فریم کو گوگل ین ڈیکس پر سرچ کیا، اس دوران ہمیں وائرل ویڈیو کا آخری حصہ نیو یارک پوسٹ کے آفیشل یوٹیوب چینل پر 9 ستمبر 2021 کو اپلوڈ شدہ ملا۔ جس سے معلوم ہوا ویڈیو کا یہ حصہ بھی پرانا ہی ہے۔ البتہ اس ویڈیو کے حوالے سے 9 ستمبر 2021 کو شائع ہونے والی انڈیا ٹائمس کی ایک رپورٹ موصولو ہوئی۔ جس میں اس ویڈیو کو امریکی ریاست نیو جرسی کا بتایا گیا ہے۔
Conclusion
اس طرح نیوز چیکر کو آن لائن ملنے والے شواہد سے یہ ثابت ہوا کہ وائرل ویڈیو میں نظر آنے والے سبھی مناظر پرانے اور مختلف مقامات پر آئے طوفانوں کے ہیں۔ ان میں سے کسی بھی منظر کا تعلق امریکہ میں آنے والے حالیہ سمندری طوفان ملٹن سے نہیں ہے۔
Result: False
Sources
X post by @AlertasMundial on 26 Aug 2024
Report published by Yahoo News on 26 Aug 2024
Facebook post by The Des Moines Register on 17 July 2024
Report published by Aol. on 17 July 2024
Video published by websites Pond5 and ViralHog on 03 May 2022
Video published by YouTube Channel New York Post on 09 Sept 2021
Report published by India Times on 09 Sept 2021
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
