Weekly Wrap: بھارت-پاکستان تنازعہ سے متعلق 5 مختصر فیکٹ چیک یہاں پڑھیں

بھارت-پاکستان تنازعہ کے بعد سوشل میڈیا پر طرح طرح کے فرضی پوسٹ خوب شیئر کئے گئے۔ جن میں پاکستان کی جانب سے بھارتی جنگی طیارے، فوجی ٹرک و فوجی کیمپ کو نقصان پہنچانے کا دعویٰ کیا گیا۔ ان سبھی سے متعلق 5 مختصر فیکٹ چیک آپ درج ذیل میں پڑھ سکتے ہیں۔

کیا پاکستان کی جانب سے بھارتی رافیل پر کئے گئے حملے کی ہے یہ تصویر؟

تباہ شدہ ایئرکرافٹ کی ایک تصویر کے ساتھ دعویٰ کیا گیا کہ پاکستان نے بھارت کے جنگی طیارہ رافیل کو مار گرایا ہے۔ پاکستان نے اس طیارے کو اس وقت نشانہ بنایا تھا، جب بھارت آپریشن سندور کو انجام دے رہا تھا۔ لیکن ہماری تحقیقات میں یہ تصویر مصنوعی ثابت ہوئی۔ پورا فیکٹ چیک یہاں پڑھیں۔

کیا بھارت کی فوجی کالونی پر کئے گئے حملے کی ہے یہ ویڈیو؟

خاکستر مکانات کی ویڈیو کو بھارت کی فوجی کالونی پر پاکستان کی جانب سے کئے گئے حملے کا بتاکر شیئر کیا گیا ہے۔ لیکن ہماری تحقیقات سے یہ ثابت ہوا کہ آگزنی کا یہ واقعہ بھارت نہیں بلکہ انڈونیشیا میں پیش آیا تھا۔ پورا فیکٹ چیک پڑھنے کے لئے یہاں کلک کریں۔

کیا زمین پر نظر آنے والی بھارتی جوانوں کی لاشوں کی یہ ویڈیو حالیہ حملے کی ہے؟

بھارت اور پاکستان تنازعہ کے بیچ سوشل میڈیا پر ایک تصویر کے ساتھ دعویٰ کیا گیا کہ یہ حالیہ دنوں شاہپور تھری پوسٹ پر بھارتی فوج پر کئے گئے حملے کی ہے۔ لیکن ہماری تحقیقات میں یہ معلوم ہوا کہ یہ تصویر مئی 2014 میں مہاراشٹر میں نکسلیوں کی جانب سے پولس اہلکاروں پر کئے گئے حملے کی ہے۔ پورا فیکٹ چیک یہاں پڑھیں۔

کیا بھارت کے زخمی پائلٹ کی یہ ویڈیو حالیہ بھارت-پاک تنازعہ کے دوران کی ہے؟

سوشل میڈیا پر زخمی پائلٹ کی ایک ویڈیو کے ساتھ دعویٰ کیا گیا کہ حالیہ دنوں پاکستان پر بھارت کے حملے کے دوران پاکستان نے ایک بھارتی پائلٹ کو گرفتار کیا ہے۔ جبکہ ہماری تحقیقات میں یہ واقعہ بھارت کے بنگلورو کا ثابت ہوا جو 6 برس پہلے پیش آیا تھا۔ یہاں پڑھیں پورا فیکٹ چیک۔

کیا سفید پرچم لہرا کر شہید فوجیوں کی لاشیں اٹھانے کی ہے بھارتی فوج کی یہ ویڈیو؟

سوشل میڈیا پر ایک ویڈیو کے ساتھ دعویٰ کیا گیا کہ لائن آف کنٹرول پر بھارتی فوج سفید پرچم لہراکر اپنے شہید فوجیوں کی لاشیں اٹھا رہے ہیں۔ لیکن ہماری تحقیقات میں یہ ویڈیو 6 برس پرانی ثابت ہوئی۔ مکمل فیکٹ چیک یہاں پڑھیں۔