Weekly Wrap: وزیر اعظم مودی کے چین دورے، افغانستان میں آئے حالیہ زلزلے و دیگر موضوع پر پانچ مختصر فیکٹ چیک یہاں پڑھیں

اس ہفتے سوشل میڈیا پر وزیر اعظم نریندر مودی کی چینی صدر شی جن پنگ کی ملاقات کی پرانی ویڈیو کو حالیہ شنگھائی تعاون تنظیم میں شامل ہونے کا بتاکر شیئر کیا گیا ہے۔ اس کے علاوہ پاکستان سیلاب و دیگر موضوع پر 5 مختصر فیکٹ چیک یہاں پڑھیں۔

کیا وزیر اعظم مودی کے حالیہ چین دورے کی ہے یہ ویڈیو؟

سوشل میڈیا پر اس ہفتے بھارتی وزیر اعظم نریندر مودی کی ایک ویڈیو شیئر کی گئی اور دعوی کیا گیا کہ چینی صدر شی جن پنگ نے پی ایم مودی کے حالیہ دورے کے دوران انہیں نظر انداز کیا، لیکن ہماری تحقیقات سے یہ ثابت ہوا کہ وائرل کلپ برکس سمٹ 2024 کی ہے۔ یہاں پڑھیں پوری تحقیقات۔

کیا وائرل سڑک کی یہ تصویر واقعی افغانستان زلزلے کی ہے؟

صارفین کی جانب سے یہ دعویٰ کیا جا رہا ہے کہ تباہ شدہ سڑک کی یہ تصویر افغانستان میں آنے والے حالیہ زلزلے کی ہے، لیکن دراصل یہ منظر 2019 میں میرپور میں آئے زلزلے کے بعد کا ہے، جسے گمراہ کن دعوے کے ساتھ موجودہ سانحے سے جوڑ کر شیئر کیا جا رہا ہے۔ مکمل فیکٹ چیک یہاں پڑھیں۔

کیا ہرے رنگ کی وین کی یہ ویڈیو پاکستان کی ہے؟

سوشل میڈیا پر ایک ویڈیو کے ساتھ دعویٰ کیا گیا کہ پاکستان کے سوات میں ہرے رنگ کی ایک اسکول وین بچوں اور ٹیچر سمیت سیلاب کی زد میں آ گئی، تاہم تحقیق سے پتا چلا کہ یہ دعویٰ درست نہیں ہے۔ یہ ویڈیو دراصل پرانی ہے اور اس کا تعلق ایران کے خراسان علاقے میں پیش آنے والے ایک حادثے سے ہے، جسے اب غلط طور پر پاکستان کے حالیہ سیلاب سے جوڑ کر شیئر کیا جا رہا ہے۔ پوری تحقیقات یہاں پڑھیں۔

کیا واقعی ٹرمپ نے پاکستان سیلاب کا ذمہ دار بھارت کو ٹھہرایا؟

سوشل میڈیا پر ایک ویڈیو کے ساتھ دعویٰ کیا گیا کہ ڈونلڈ ٹرمپ نے اپنے بیان میں پاکستان میں آنے والے سیلاب کا ذمہ دار بھارت کو ٹھہرایا ہے، لیکن تحقیق سے پتا چلا کہ یہ دعویٰ حقیقت پر مبنی نہیں ہے۔ وائرل ویڈیو دراصل مصنوعی ذہانت (اے آئی) کی مدد سے تیار کی گئی ہے۔ یہاں پڑھیں پوری پڑتال۔

کیا یہ اجتماعی جنازہ حالیہ افغانستان زلزلے کا ہے؟

سوشل میڈیا پر گردش کرنے والی تصویر کے بارے میں یہ دعویٰ کیا گیا کہ یہ حالیہ افغانستان زلزلے میں جاں بحق ہونے والے افراد کے اجتماعی جنازے کی ہے۔ تاہم تحقیق سے معلوم ہوا کہ یہ دعویٰ درست نہیں۔ یہ تصویر دراصل 9 اکتوبر 2023 کی ہے اور اُس وقت افغانستان کے صوبہ ہرات میں آنے والے ایک زلزلے کے بعد بڑے پیمانے پر ادا کئے گئے اجتماعی جنازے کی ہے۔ پورا فیکٹ چیک یہاں پڑھیں۔