Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact Check
ٹویٹر پرایک صارف نے اے بی پی نیوز کے ایگزٹ پول کے اسکرین شارٹ کے ذریعے اے آئی ایم آئی ایم پارٹی کی جیت کا دعویٰ کیا ہے۔ صارف نے اسکرین شارٹ کے کیپشن میں لکھا ہے کہ “اب یہ کیا، یوپی میں مجلس کی حکومت بننے جا رہی ہے؟”۔
پانچ ریاستوں میں ووٹنگ کے بعد ایگزٹ پول دکھایا گیا اور آج یعنی 10 مارچ کو اترپردیش، پنجاب، گوا، اتراکھنڈ اور منی پور میں کون پارٹیاں سرکار بنانے جا رہی ہے اس پر گنتی جاری ہے۔ لیکن ان دنوں اے بی پی نیوز کے ایگزٹ پول کا ایک اسکرین شارٹ سوشل میڈیا پر گردش کر رہا ہے۔ جس کے اوپری حصے میں اے آئی ایم آئی ایم کو اترپردیش میں 250 سیٹ، بی جے پی کو 84، سماج وادی کو 56، بی ایس پی کو 12 اور دیگر پارٹیوں کے 1 سیٹ پر کامیاب ہونے کا دعویٰ کیا گیا ہے۔ اس طرح دعویٰ کیا جا رہا ہے کہ یوپی میں مجلس اتحاد المسلیمین کی حکومت بننے جا رہی ہے۔
اے بی پی نیوز کے ایگزٹ پول والے اسکرین شارٹ کو ہندی کیپشن کے ساتھ فیس بک پر دیگر صارفین نے بھی شیئر کیا ہے۔ جس میں اے آئی ایم آئی ایم پارٹی کو اترپردیش میں 250 سیٹوں پر کامیاب ہوتا ہوا دکھایا گیا ہے۔
اے بی پی نیوز کے ایگزٹ پول کے اسکرین شارٹ کی سچائی جاننے کے لئے ہم نے اپنی ابتدائی تحقیقات کا آغاز کیا۔ سب سے پہلے ہم نے اے بی پی نیوز کے ایگزٹ پول والے وائرل اسکرین شارٹ کو غور سے دیکھا تو دائیں جانب انگلش میں ہیش ٹیگ ایگزٹ پول اے بی پی لکھا ہوا تھا اور اس کے نیچے چوتھا چرن59 لکھا تھا۔ بائیں جانب اترپردیش403، کو ووٹر کا سروے، اودھ 118 لکھا ہوا نظر آیا۔ جو ہمیں اے بی پی کے آفیشل یوٹیوب چینل پر بھی دکھائے گئے ایگزٹ پول میں نظر آیا۔بقیہ نیچے دیئے گئے نمبر وائرل اسکرین شارٹ سے بالکل مختلف تھے۔ موازنہ کرنے پر پتا چلا کہ وائرل اسکرین شارٹ ترمیم شدہ ہے۔ درج ذیل کی تصویر دیکھ کر بخوبی فرق واضح کیا جا سکتا ہے۔
پھر ہم نے اے بی پی کی جانب سے 7مارچ 2022 کو دکھائے گئے ایگزٹ پول کو دیکھا تو ہمیں کہیں بھی اے آئی ایم آئی ایم کے بارے میں لکھا ہوا نہیں ملا کہ اترپردیش میں مجلس کو 250 سیٹیں مل رہی ہے۔
مزید سرچ کے دوران ہمیں اے بی پی کے آفیشل فیس بک ہینڈل پر وائرل اسکرین شارٹ ملا۔ جسے اے بی پی کی جانب سے فرضی بتایا گیا ہے۔
اس طرح ہماری تحقیقات میں یہ ثابت ہوتا ہے کہ اے بی پی نیوز کے فرضی ایگزٹ پول کا اسکرین شارٹ سوشل میڈیا پر شیئر کیا گیا ہے۔ دراصل اے بی پی نیوز نے اپنے ایگزٹ پول میں مجلس اتحاد المسلیمین کے 250 سیٹوں پر کامیاب ہونے کا دعویٰ نہیں کیا ہے۔
Our Sources
Report Published by ABP News YouTube channel on 07/03/2022
Report Published by ABP News YouTube channel on 07/03/2022
Facebook post by ABP News on 08/03/2022
Self Analysis by Newschecker
نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔
9999499044
Mohammed Zakariya
June 2, 2025
Mohammed Zakariya
February 7, 2025
Mohammed Zakariya
January 20, 2025