Claim
اے آئی ایم آئی ایم کے صدر اسدالدین اویسی کی سادھوؤں کے بھیس میں گنگا میں ڈبکی لگانے کی ویڈیو آئی سامنے۔
Fact
دعویٰ فرضی ہے اور اسدالدین اویسی کی یہ ویڈیو مصنوعی ذہانت کی مدد سے تیار کی گئی ہے۔

اترپردیش کا شہر پریاگ راج( سابقہ الہ آباد) مہاکمبھ میلے کے باعث ان دنوں خوب سرخیاں بٹور رہا ہے۔ اسی اثنا میں سوشل میڈیا پر کل ہند مجلس اتحاد المسلمین کے قومی صدر اسدالدین اویسی کی ایک ویڈیو ہندی کیپشن کے ساتھ شیئر کی جا رہی ہے۔ جس میں وہ زعفرانی لباس میں ملبوث سادھوؤں کے ساتھ گنگا میں ڈُبکی لگاتے ہوئے نظر آرہے ہیں۔ صارف کا دعویٰ ہے کہ اسدالدین اویسی مذہب اسلام ترک کرکے سادھوؤں کے ساتھ مہاکمبھ میں گنگا میں ڈبکی لگا رہے ہیں۔

Fact Check/ Verification

اسدالدین اویسی کی سادھوؤں کے بھیس میں گنگا میں ڈبکی لگانے کا بتاکر شیئر کی جارہی وائرل ویڈیو کا ہم نے سب سے پہلے تجزیہ کیا۔ ویڈیو میں اویسی اور ساتھ موجود سادھوؤں کی کچھ غیر معمولی حرکات و سکنات نظر آ رہی ہیں۔ ساتھ ہی اویسی جب پانی میں ہاتھ ڈال کر باہر نکالتے ہیں تو ان کے کرتے کی آستینوں سے پانی بہتا ہوا نظر آ رہا ہے لیکن کپڑا بھیگا ہوا نہیں دکھائی دے رہا ہے۔

ہم نے ویڈیو کو مزید غور سے دیکھا تو نچلے حصے میں انگلش میں گرے اورنج لکھا ہوا نظر آیا۔ مذکورہ لفظ کو ہم نے گوگل پر تلاشا۔ جہاں ہمیں گرے اورنج نامی انسٹاگرام کا ایک ہینڈل موصول ہوا۔ اس ہینڈل نے زعفرانی لباس میں ملبوث اویسی کی مذکورہ ویڈیو کو 16 جنوری کو شیئر کیا تھا۔ جس کے کمنٹ پاکس میں دیگر صارفین نے اسے اے آئی سے تیار کردہ ویڈیو بتایا ہے۔

مزید تصدیق کے لئے ہم نے وائرل ویڈیو کے چند فریم کو اے آئی سے تیار کردہ مواد کا پتہ لگانے والے ٹولز ڈی کاپی ڈاٹ اے آئی، از اٹ اے آئی اور ہائیو ماڈریشن ٹولز کی مدد لی۔ جہاں اویسی والی ویڈیو کی تصاویر میں ہائیو ماڈریشن نے 89.9 فیصد اور از اٹ اے آئی نے 80 فیصد اے آئی سے تیار کردہ مواد ہونے کا امکان ظاہر کیا ہے۔ جبکہ ڈی کاپی ڈاٹ اے آئی نے اسے فرضی بتایا ہے اور اس میں مصنوعی ذہانت کے 95.28 فیصد شامل ہونے کا امکان ظاہر کیا ہے۔

وہیں اے آئی مواد کا پتہ لگانے والے ٹول ٹرو میڈیا نے یہ نتیجہ اخذ کیا ہے کہ اس ویڈیو میں رد و بدل کے ثبوت موجود ہیں۔

یہ بھی پڑھیں: سانتا کلوز کے لباس میں ملبوث ڈاکٹر ذاکر نائک کی اے آئی سے تیارکردہ تصویر فرضی دعوے کے ساتھ وائرل

Conclusion

لہٰذا آن لائن ملنے والے شواہد سے یہ ثابت ہوا کہ کل ہند مجلس اتحاد المسلمین کے قومی صدر و ممبر پارلیمنٹ اسدالدین اویسی کی سادھوؤں کے بھیس میں گنگا میں ڈبکی لگائے جانے کی یہ ویڈیو مصنوعی ذہانت کی مدد سے تیار کی گئی ہے، اس کا حقیقت سے کوئی تعلق نہیں ہے۔

Result: Altered Video

Sources
Instagram post by @grayyorange on 16/01/2025
TrueMedia tool
HiveModeration tool
True media tool
Decopy.ai tool

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔