اسدالدین اویسی اور نریندر مودی کا ویشنو دیوی مندر جاتے ہوئے اے آئی ویڈیو وائرل

سوشل میڈیا پر اسدالدین اویسی اور نریندر مودی کی ایک ویڈیو شیئر کی گئی ہے، جس میں اویسی اور وزیر اعظم مودی ایک دوسرے کے کاندھے پر ہاتھ رکھے ہوئے نظر آ رہے ہیں۔ ویڈیو میں ایک بھجن بھی سنائی دے رہا ہے، جس پر اویسی لِپ سنگ کر رہے ہیں اور ان دونوں کے ماتھوں پر پٹی بندھی ہوئی بھی نظر آ رہی ہے۔ ویڈیو میں یہ دونوں جموں کے ویشنو دیوی مندر جاتے ہوئے دکھائی دے رہے ہیں۔

اس ویڈیو کو ایکس صارف نے ہندی کیپشن کے ساتھ شیئر کیا ہے، جس کے لکھا ہے “آج صبح کا سب سے خوبصورت ویڈیو، ٹوپی والا بھی سر جھکا کے جے شری رام بولے”۔

انسٹاگرام صارف دھیرج سنگھ کشپ نے ہیش ٹیگ جے مات دی، مودی، اویسی، ویشنودیوی وغیرہ کے ساتھ شیئر کیا ہے۔

اس ویڈیو کو انسٹاگرام اور ایکس پر بھی شیئر کیا گیا ہے۔

Fact Check/Verification

اسدالدین اویسی اور نریندر مودی کی شیئر کردہ اس ویڈیو کی تحقیق کے لئے ہم نے سب سے پہلے ویڈیو کا بغور تجزیہ کیا۔ اس دوران ہم نے دیکھا کہ ان کے ماتھے پر موجود پٹی میں لکھے ہندی حروف بےترتیب ہیں۔ ساتھ ہی ان کے چہروں کے تاثرات بھی غیر معمولی ہیں۔ اس کے علاوہ ان کے پیچھے چل رہے شخص کی شرٹ کا رنگ بھی تھوڑے وقفے میں بدل رہا ہے۔

پھر ہم نے اے آئی ویڈیو کا پتا لگانے والے ٹول ‘ہائیو ماڈریشن’ کی مدد لی۔ جس میں اس ویڈیو میں 66.6 فیصد اے آئی مواد ہونے کا امکان ظاہر کیا گیا ہے۔

مزید تصدیق کے لئے ہم نے ویڈیو کو ڈیپ اینالیسس یونٹ کو بھیجا۔ جنہوں نے متعدد ٹولز کے استعمال سے واضح کیا کہ ویڈیو مصنوعی ذہانت کی مدد سے تیار کرکیا گیا ہے۔ اے آئی کا پتا لگانے والے ٹول واز اٹ اے آئی کے مطابق “اس ویڈیو یا اس کے مخصوص حصے کو اے آئی سے بنایا گیا ہے”۔

اس کے علاوہ ہائیو اے آئی کی مدد سے بھی ویڈیو کے مختلف کیفریم کی جانچ کی۔ ویڈیو کے آخر کے فریم میں پیچھے موجود افراد کے چہرے مودی اور اویسی سے ملتے ہوئے نظر آ رہے ہیں۔ جس کے باعث اس نے بھی اسے ڈیپفیک بتایا ہے۔

یہ بھی پڑھیں: اسدالدین اویسی کی سادھوؤں کے بھیس میں گنگا میں ڈُبکی لگانے کی اے آئی ویڈیو وائرل

Conclusion

اس طرح نیوز چیکر کی تحقیقات سے یہ ثابت ہوا کہ اسدالدین اویسی اور نریندر مودی کا ویشنو دیوی مندر جانے کا بتاکر شیئر کی گئی ویڈیو دراصل مصنوعی ذیانت کی مدد سے تیار کی گئی ہے۔

Sources
Self Analysis
HiveModeration tool
Deepfakes Analysis Unit