Fact Check: 37 دن بعد نہیں بلکہ 3 گھنٹے بعد ملبے سے زندہ نکالی گئی تھی وائرل ویڈیو میں موجود بچی

Claim
غزہ میں تباہ شدہ عمارت کے ملبے سے 37 دن بعد زندہ نکالی گئی بچی۔

Fact
ویڈیو میں موجود بچی کو 37 دن بعد نہیں بلکہ 3 گھنٹے نعد ہی ملبے سے زندہ نکال لیا گیا تھا۔

ان دنوں سوشل میڈیا پر ایک نومولود بچی کی ویڈیو خوب شیئر کی جا رہی ہے، جسے تباہ شدہ عمارت سے نکالا جا رہا ہے۔ ویڈیو کے ساتھ کیپشن میں صارفین لکھ رہے ہیں کہ “غزہ میں ملبے سے 37 دن بعد زندہ نکالی گئی بچی کی ویڈیو”۔ اس ویڈیو کو فیس بک، ایکس سمیت تمام سوشل میڈیا ایپس پر شیئر کیا جا رہا ہے۔

Fact Check/Verification

غزہ میں تباہ شدہ عمارت کے ملبے سے 37 دن بعد زندہ نکالی گئی بچی کا بتا کر شیئر کی گئی ویڈیو پر ہمیں نوح ایکس پی لکھا ہوا نظر آیا۔ یہاں سے ہم نے ایک سراغ لے کر اپنی تحقیق کو آگے بڑھایا اور ویڈیو پر نظر آ رہے نام کو سرچ کیا۔ اس دوران ہمیں نوح ایکس پی نامی ایک انسٹاگرام ہینڈل ملا۔ جس پر اس ویڈیو کو عربی کیپشن کے ساتھ 28 نومبر 2023 کو شیئر کیا گیا تھا۔

کیپشن کا ترجمہ کرنے پر معلوم ہوا کہ یہ بچی فلسطین-اسرائیل کے حالیہ تنازع کے بعد پیدا ہوئی تھی اور اس کے والدین اسرائیلی حملے میں شہید ہو چکے تھے، جبکہ اسے 3 گھنٹے کی مشقت کے بعد ملبے سے زندہ نکال لیا گیا تھا۔

مزید سرچ کے دوران ہمیں اس حوالے سے شائع متعدد رپورٹس موصول ہوئیں، ان سبھی رپورٹس کے مطابق بچی کو 3 گھنٹے بعد ہی ملبے سے زندہ نکال لیا گیا تھا۔ نیو اسٹریٹس ٹائمس کی رپورٹ کے مطابق نوح نے بتایا کہ بچی کی عمر محض 37 دن تھی، جب اس کا گھر اسرائیلی حملے کا شکار ہو گیا تھا اور وہ ملبے میں پھنس گئی تھی۔

البوابة کی رپورٹ کے مطابق یہ حادثہ اسرائیل اور فلسطین کے مابین چل رہی تنازع کے 37 ویں دن پیش آیا تھا، لیکن انٹرنیٹ بند ہونے کی وجہ سے ویڈیو بعد میں پبلش کی گئی تھی۔

یہ بھی پڑھیں: بچوں کی خادمہ کی اس ویڈیو کی یہاں جانیں پوری حقیقت

Conclusion

اس طرح ہماری تحقیقات سے واضح ہوا کہ ملبے سے 37 دن بعد زندہ نکالی گئی بچی کا بتا کر شیئر کی گئی ویڈیو دراصل غزہ میں 3 گھنٹے تک ملبے میں دبے رہنے کے بعد زندہ نکالی گئی بچی کی ہے۔

Result: Partly False

Sources
Instagram post by Nooh.px on 27 Nov 2023
Reports Published by Albawaba, New Straits Times and Middle East Monitor on Nov 2023

نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔