پیر, مئی 23, 2022
پیر, مئی 23, 2022

HomeFact Checkسی ڈی ایس بپن راوت کے ہیلی کاپٹر کریش کے نام پر...

سی ڈی ایس بپن راوت کے ہیلی کاپٹر کریش کے نام پر ملک شام کا پرانا ویڈیو کیا جا رہا ہے شیئر

ملک کے پہلے سی ڈی ایس بپن راوت کو لے کر جا رہا انڈین ایئرفورس کا ہیلی کاپٹر ایم آئی 17وی5(آئی اے اف-17وی5 ہیلی کاپٹر) 8 دسمبر کو تمل ناڈو کے کنور میں حادثے کا شکار ہو گیا۔ اس حادثے میں سی ڈی ایس جنرل بپن راوت اور ان کی اہلیہ مدھولیکا راوت سمیت 12 افراد جاں بحق ہو گئے، اس ہیلی کاپٹر میں کل 14 افراد سفر کر رہے تھے۔


جنرل بپن راوت کے ہیلی کاپٹر حادثے کے بعد سوشل میڈیا پر کئی ویڈیو صارفین شیئر کر رہے ہیں۔ ان میں سے ایک ایسا ویڈیو شیئر کیا جا رہا ہے، جس میں ہیلی کاپٹر فضا میں کریش ہوتے ہوئے نظر آرہا ہے۔ اس ویڈیو کے کیپشن میں صارفین نے لکھا ہے کہ “بھارتی آرمی چیف آف ڈیفینس اسٹاف کا ہیلی کاپٹر کریش ہوتے ہوئے”۔

سی ڈی ایس بپن راوت کے ہیلی کاپٹر کریش کے نام سے منسوب وائرل ویڈیو کا اسکرین شارٹ
Courtesy: Fb/Azmat Ullah Ahmdani

مذکورہ ویڈیو کو انڈین ایئرفورس کے ہیلی کاپٹر ایم آئی17وی5 کے کریش کا بتاکر ٹویٹر پر بھی شیئر کیا جا رہا ہے۔

ٹویٹر پوسٹ کا آرکائیو لنک یہاں، یہاں، یہاں اور یہاں دیکھیں۔

فیس بک پر مذکورہ دعوے کے ساتھ شیئر کی گئی تصویر کو کتنے صارفین نے پوسٹ کیا ہے، یہ جاننے کے لئے ہم نے کراؤڈ ٹینگل پر کیورڈ سرچ کیا تو ہمیں پتا چلا کہ اس موضوع پر24 گھنٹوں میں 19 پوسٹ شیئر کئے گئے ہیں اور 423 فیس بک صارفین نے اس موضوع پر تبادلہ خیال کیا ہے۔

Fact Check / Verification

سی ڈی ایس بپن راوت کے ہیلی کاپٹر کریش کے نام سے منسوب کر کے شیئر کئے گئے ویڈیو کی سچائی جاننے کے لئے ہم نے اپنی ابتدائی تحقیقات شروع کی۔ سب سے پہلے ہم نے ویڈیو کو کیفریم میں تقسیم کیا اور ان میں سے کچھ فریم کو گوگل ریورس امیج سرچ کیا۔ اس دوران ہمیں آئی24نیوز ڈاٹ ٹی وی، اے پی نیوز اور نیوز10 ڈاٹ کام پر شائع فروری 2020 کی خبریں ملیں۔

یہ خبریں وائرل ویڈیو سے ملتے جلتے کیفریم کے ساتھ شائع کی گئیں ہے۔ رپورٹس میں دی گئی جانکاری کے مطابق یہ ویڈیو شام کے ادلب کا ہے۔ جہاں باغیوں نے شامی حکومت کے ہیلی کاپٹر کو میزائل کے ذریعے داغا تھا۔

پھر ہم نے ویڈیو کو یوٹیوب پر سرچ کیا تو ہمیں دی ٹیلی گراف اور اون ڈیمانڈ نیوز کے آفیشل یوٹیوب چینل پر یہ ویڈیو ملا۔ جس میں بھی اس ویڈیو کو شام کے ادلب کا بتایا گیا ہے۔ مذکورہ سبھی میڈیا رپورٹس سے واضح ہو چکا کہ یہ ویڈیو ہیلی کاپٹر ایم آئی 17وی5 کے حادثے کا نہیں ہے۔

Courrtesy: YouTube/ on Demand News

یہ بھی پڑھیں: ادھم پور ہیلی کاپٹر حادثے کی نہیں ہے یہ تصویر

Conclusion

نیوز چیکر کی تحقیقات میں یہ ثابت ہوتا ہے کہ سی ڈی ایس بپن راوت کے ہیلی کاپٹر کریش کے نام سے منسوب ویڈیو ملک شام کے ادلب کا ہے۔ جہاں فروری 2020 میں شامی باغیوں نے شامی حکومت کے ایک ہیلی کاپٹر کو میزائل کے ذریعے تباہ کر دیا تھا۔


Result: Misplaced Context/Partly False

Our Sources

News10.com:(https://www.news10.com/news/rebels-shoot-down-syrian-helicopter-as-fighting-intensifies/)

APNews:(https://apnews.com/article/syria-ap-top-news-international-news-iran-russia-e99ea131c009b43f1b0f4a30dc680565/gallery/6bef97191748478e831830b8633c7cd5)

i24News.Tv:(https://www.i24news.tv/en/news/middle-east/1581685764-syrian-regime-helicopter-shot-down-over-rebel-bastion-killing-two-monitor)

On Demand News:(https://www.youtube.com/watch?v=CqS-2UokF6k)


نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔

9999499044

Mohammed Zakariya
Mohammed Zakariya
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation from Lucknow University.
Mohammed Zakariya
Mohammed Zakariya
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation from Lucknow University.

LEAVE A REPLY

Please enter your comment!
Please enter your name here

Most Popular