بھارتی خاتون پائلٹ کی اے آئی ویڈیو فرضی دعوے کے ساتھ وائرل

سوشل میڈیا پر ایک ویڈیو شیئر کی جا رہی ہے، جس میں بھارتی خاتون پائلٹ کو ایک شخص کولڈرنک دیتے ہوئے نظر آرہا ہے۔ صارفین کا دعویٰ ہے کہ بھارتی آرمی کی خاتون پائلٹ اپنے جنگی طیارہ تباہ ہونے کے بعد اس کے پاس بیٹھی ہوئی ہے اور پاکستانی جوان اسے کولڈرنک دے رہے ہیں تو وہ اسے لینے سے انکار کر رہی ہے۔

Fact

ہم نے وائرل ویڈیو کا بغور تجزیہ کیا تو کئی ایسے سراغ ملے، جیسے آنکھوں کی پلکیں جھپکنے کا انداز و لباس پر لگے بیج مختلف نظر آئے۔ جس سے شبہ ہوا کہ یہ ویڈیو اے آئی کی مدد سے تیار کی گئی ہے۔

مزید تصدیق کے لئے ہم نے وائرل ویڈیو کو اے آئی سے تیار کردہ مواد کا پتہ لگانے والے ٹولز واز اٹ اے آئی اور ڈی کاپی ڈاٹ اے آئی کی مدد سے تلاش کیا۔ جہاں ہمیں معلوم ہوا کہ یہ ویڈیو جعلی ہے اور ڈی کاپی نے اس میں مصنوعی ذہانت کے 98.28 فیصد مواد شامل ہونے کا امکان ظاہر کیا ہے۔

واز اٹ اے آئی نے اپنے تجزیہ میں بتایا کہ یہ ویڈیو یا اس کے اہم حصے کو اے آئی کی مدد سے تیار کیا گیا ہے۔

یہ بھی پڑھیں: تباہ شدہ جنگی طیارے کو ریسکیو کئے جانے کی یہ ویڈیو اے آئی کی مدد سے تیار کی گئی ہے

اس طرح آن لائن ملے شواہد سے یہ ثابت ہوا کہ وائرل ویڈیو کو اے آئی کی مدد سے تیار کیا گیا ہے اس کا سچائی سے کوئی تعلق نہیں ہے۔