بھارتی فوج پر خالصتان تحریک کی جانب سے کئے گئے حملے کی نہیں ہے یہ ویڈیو؟

پہلگام حملے کے بعد سوشل میڈیا پر پاکستانی صارفین بھارت مخالف طرح طرح کے فرضی پوسٹ شیئر کر رہےہیں۔ اسی تناظر میں بھارت میں خالصتان تحریک کے جوانوں کی جانب سے بھارتی فوج پر کئے گئے حملے کا بتاکر ایک ویڈیو شیئر کی جا رہی ہے۔ جس میں فوجی ٹرک میں آگ لگی ہوئی نظر آرہی ہے۔

ویڈیو کے ساتھ صارفین نے کیپشن میں لکھا ہے “بھارت میں خالصتانی تحریک کے جوانوں کا بھارتی فوج پر حملہ”۔

آرکائیو لنک یہاں اور یہاں دیکھیں۔

Fact Check/Verification

وائرل ویڈیو کے ایک فریم کو ہم نے گوگل لینس پر سرچ کیا۔ اس دوران ہمیں یہی ویڈیو 6 مئی 2023 کو شیئر شدہ ودت شرما نامی ایکس ہینڈل پر موصول ہوئی۔ جس میں اس ویڈیو کے حوالے سے لکھا ہے کہ فوجی جوان کی گاڑی میں لگی آگ پر جوان قابو پانے کی کوشش کر رہے ہیں۔

پھر ہم نے گوگل لینس پر “فوج کے ٹرک میں لگی آگ”، “قابو پانے کی کوشش کرتے جوان” کیورڈ تلاش کیا۔ اس دوران ہمیں 4 مئی 2023 کو شائع ہونے والی امر اجالا کی ایک رپورٹ موصول ہوئی۔ جس میں وائرل ویڈیو کے اسکرین شارٹ کو بخوبی دیکھا جا سکتا ہے۔

امر اجالا کے مطابق پنجاب کے ہل والا میں فوجی مشقوں کے قافلے میں شامل ٹرک میں لگی آگ کی ہے۔ یہ حادثہ لدھیانہ فیروز پور قومی شاہراہ پر پیش آیا تھا۔ اس حادثے میں کسی فوجی کے زخمی ہونے کی کوئی اطلاع نہیں ہے، جبکہ تیز ہواؤں کی وجہ سے لگنے والی آگ سے فوج کے ٹرک میں رکھے سامان کو کافی نقصان پہنچا تھا۔ ٹرک کے سلینڈر کے سڑک سے گھسنے کو آگ لگنے کی ابتدائی وجہ بتایا گیا تھا۔

یہ بھی پڑھیں: فوجی گاڑی کے حادثے کی ویڈیو کو پہلگام حملے سے جوڑکر کیا جا رہا ہے شیئر

Conclusion

اس طرح آن لائن ملنے والے شواہد سے یہ ثابت ہوا کہ یہ ویڈیو بھارت میں خالصتان تحریک کے جوانوں کے بھارتی فوج پر کئے گئے حملے کی نہیں ہے بلکہ پرانی اور پنجاب کے ہل والا میں فوجی مشقوں کے قافلے میں شامل ٹرک میں لگی آگ کی ہے۔

Sources
X post by @TheViditsharma on 6 May 2023
Report published by Amar Ujala on 4 May 2023