کیا یہ ریلی ایران میں حجاب کی حمایت میں نکالی گئی؟

سوشل نٹورکنگ سائٹس فیس بک اور ٹویٹر پر ہاتھوں میں بینر لئے برقعہ پوش خواتین کی تصویر وائرل ہورہی ہے۔ تصوہر سے متعلق دعویٰ کیا جارہا ہے کہ یہ باپردہ خواتین کی جانب سے ایران میں حجاب کی حمایت میں نکالی گئی ریلی کی ہے۔

فیس بک پر ایک صارف نے تصویر کے کیپشن میں لکھا ہے کہ “جہاں پر مٹھی بھر این جی اوز زدہ ایران کی خواتین کا احتجاج مغربی میڈیا اور دیسی لبرل کو نظر آتا ہے۔ وہاں لاکھوں خواتین جو حجاب کی عصمت اور حق میں آج سڑکوں پر ہیں وہ کیوں نظر نہیں آتا؟”

Fact Check/Verification

خواتین کی جانب سے نکالی گئی ریلی کی تصویر کو ہم نے سب سے پہلے گوگل ریورس امیج سرچ کیا۔ اس دوران ہمیں کردست نیوز نامی ویب سائٹ پر شائع 19 جولائی 2021 کی رپورٹ کے ساتھ یہی تصویر دیکھنے کو ملی۔ اب یہاں ہمیں پتہ چلا کہ تصویر ایران کی ہی ہے لیکن اس کا حالیہ حجاب معاملے سے کوئی تعلق نہیں ہے۔

پھر ہم نے تصویر کے ساتھ ایران، پروٹیسٹ، گورنمنٹ انگلش میں کیورڈ سرچ کیا، اس دوران ہمیں دی واشنگٹن ٹائمس پر شائع 30 دسمبر 2017 کی رپورٹ ملی۔ جس میں وہی تصویر ملی جسے سوشل میڈِیا پر حالیہ ایران حجاب معاملے کا بتاکر شیئر کیا جارہا ہے۔ تصویر کے ساتھ دی گئی معلومات کے مطابق یہ تصویر ایران کے تہران میں 30 دسمبر 2017 کو ایرانی حکومت کی حمایت میں نکالی گئی ریلی کی ہے۔

رپورٹ میں یہ بھی واضح کیا گیا ہے کہ ایران کی معاشی حالت بگڑنے کی وجہ سے وہاں کی عوام حکومت کے خلاف احتجاج کر رہی تھی، جس کے جواب میں حکومت کی حمایت میں بھی ایک ریلی نکالی گئی۔

مزید سرچ کے دوران ایسو سی ایٹ پریس کی ویب سائٹ پر 30 دسمبر 2017 کو مذکورہ تصویر کے ساتھ شائع خبر ملی۔ جس میں بھی اس تصویر کو ایرانی حکومت کی حمایت میں نکالی گئی ریلی کا بتایا گیا ہے۔ ویب سائٹ کے مطابق اس تصویر کو ایسوسی ایٹ پریس کے فوٹوگرافر ابراہیم نوروزی نے کلک کیا ہے۔

یہ بھی پڑھیں:حجاب پہنی خاتون کی تذلیل کی یہ ویڈیو بھارت کی نہیں ہے

Conclusion

اس طرح نیوز چیکر کی تحقیقات میں یہ ثابت ہوا کہ یہ ایران میں حجاب کی حمایت میں نکالی گئی ریلی نہیں بلکہ یہ 2017 میں ایرانی حکومت کی حمایت میں نکالی گئی ریلی کی تصویر ہے۔ اس تصویر کا حالیہ حجاب معاملے سے کوئی تعلق نہیں ہے۔

Result: False

کسی بھی مشکوک خبر کی تحقیقات، تصحیح یا دیگر تجاویز کے لیے ہمیں واٹس ایپ کریں: 9999499044 یا ای میل: checkthis@newschecker.in