منگل, مئی 17, 2022
منگل, مئی 17, 2022

HomeFact Checkمدینہ منورہ میں پاکستانی سیاستدانوں کے خلاف چور چور کے نعرے لگانے...

مدینہ منورہ میں پاکستانی سیاستدانوں کے خلاف چور چور کے نعرے لگانے والوں کی گرفتاری کا بتاکر 1 سال پرانی ویڈیو وائرل

گزشتہ دنوں پاکستان کے نئے وزیر اعظم شہباز شریف اور ان کے لیڈران نے مدینہ منورہ کا دورہ کیا تھا، جہاں ان کے خلاف مدینہ منورہ میں چور چور کے نعرے لگائے گئے۔ جس کے بعد ایک ویڈیو سوشل میڈیا پر وائرل ہو رہی ہے۔ ویڈیو سے متعلق ٹویٹر پر ایک صارف کا دعویٰ ہے کہ یہ وہی لوگ ہیں، جنہوں نے مسجد نبوی میں شہباز شریف کو دیکھ کر چور چور کے نعرے لگائے تھے، جس کے بعد سعودی عرب کی حکومت نے انہیں گرفتار کر لیا ہے۔ ساتھ ہی سب کے ویزوں کو ختم کرنے کا فیصلہ اور سعودی عرب سے باہر نکالنے کا فیصلہ بھی کیا گیا ہے۔

مدینہ منورہ میں پاکستانی سیاستدانوں کے خلاف چور چور کے نعرے لگانے والوں کی گرفتاری کا بتاکر 1 سال پرانی ویڈیو  وائرل
Courtesy:Twitter @FardanKhan111

مذکورہ ویڈیو کو فیس بک اور ٹویٹر صارفین نے بھی پاکستانی وزیر اعظم شہباز شریف کے خلاف مسجد نبوی میں نعرے لگانے والوں کی گرفتاری سے جوڑ کر شیئر کیا ہے۔ صارفین نے وائرل ویڈیو کے کیپشن میں “مسجد نبوی کی تقدس کو پامال کرنے کے جرم میں ایک درجن سے زیادہ افراد گرفتار”۔

Fact Check/Verification

مدینہ منورہ میں پاکستانی سیاستدانوں کے خلاف چور چور کے نعرے لگانے والوں کی گرفتاری کا بتاکر شیئر کی گئی ویڈیو کی سچائی جاننے کے لئے ہم نے انوڈ کی مدد سے گوگل سرچ کیا۔ اس دوران ہمیں پی ٹی آئی کراچی کے آفیشل ٹویٹر ہینڈٖل پر وائرل ویڈیو کے حوالے سے ایک پوسٹ ملی۔ جس میں لکھا ہے کہ ن لیگ کے میڈیا سیل سے شرمندگی چھپانے کے کیے اپریل 2021 کی ویڈیو شیئر کی ہے۔

سرچ کے دوران ہمیں صحيفة المواطن نامی ٹویٹر ہینڈل پر 14 اپریل 2021 کو شیئر شدہ ہوبہو وائرل ویڈیو ملی۔ ویڈیو کے ساتھ دی گئی جانکاری کے مطابق ویڈیو ریاض کی ہے۔ جہاں 35 ملین ریال سے زائد رقم چرانے والے 24 پاکستانیوں کو گرفتار کیا گیا تھا۔

ٹویٹر پر ملی جانکاری سے پتا چلا کہ ویڈیو ایک سال پرانی ہے اور حالیہ دنوں میں مدینہ شریف میں پاکستانی سیاستدانوں کے خلاف چور چور کے لگائے گئے نعرے سے اس ویڈیو کا کوئی تعلق نہیں ہے۔ پھر ہم نے اس حوالے سے کچھ کیورڈ سرچ کیا۔ اس دوران ہمیں الریاض اور البیان نامی عربی نیوز ویب سائٹ پر شائع 14 اپریل 2021 کی خبریں ملیں۔

Courtesy:alriyadh.com

ان رپورٹس میں ویڈیو کے حوالے سے لکھا ہے کہ 24 پاکستانیوں کو دھوکہ دہی سے 35 ملین ریال سے زائد رقم چوری کرنے کے الزام میں گرفتار کیا گیا تھا۔ ان لوگوں نے شہریوں کو دھوکہ دے کر رقم اکٹھا کی تھی۔ جنہیں بعد میں سعودی پولس نے گرفتار کرلیا، ان کے پاس سے پولس کو 73 موبائل فون اور 67 ہزار 506 ریال بھی برآمد ہوا تھا۔

یہ بھی پڑھیں:کیا مکہ مکرمہ میں نابینا شخص کی لوٹی بینائی کی ہے یہ ویڈیو؟ وائرل دعوے کا پڑھیئے سچ

پاکستان کی معروف نیوزویب سائٹ ڈون کے مطابق سعودی ایمبیسی نے کہا ہے کہ مسجد نبوی میں پاکستانی سیاستدانوں کے خلاف نعرے لگانے والے پاکستانی زائرین کو گرفتار کیا گیا ہے۔گرفتاری کی تعداد رپورٹ میں واضح نہیں کی گئی ہے۔

Conclusion

نیوز چیکر کی تحقیقات سے یہ ثابت ہوتا ہے کہ مدینہ منورہ میں پاکستانی سیاستدانوں کے خلاف چور چور کے نعرے لگانے والوں کی گرفتاری کا بتاکر 1 سال پرانی ویڈیو کو شیئر کیا گیا ہے۔ ویڈیو میں نظر آرہے لوگ پاکستان کے ہی ہیں، لیکن انہیں چوری اور دھوکہ دہی کے الزام میں گرفتار کیا گیا تھا۔ البتہ یہ بات صحیح ہے کہ کچھ زائرین کو پاکستانی سیاستدانوں کو چور کہنے کے معاملے میں بھی گرفتار کیا گیا ہے، لیکن ویڈیو پرانی ہے اور چوری کے الزام میں گرفتار پاکستانیوں کی ہے۔

Our Sources

Twitter Post by @PTI_KHI
Twitter Post by @almowatennet
Media Report Published by Alriyadh.com
Media Report Published by Albyan.ae

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044

Mohammed Zakariya
Mohammed Zakariya
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation from Lucknow University.
Mohammed Zakariya
Mohammed Zakariya
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation from Lucknow University.

LEAVE A REPLY

Please enter your comment!
Please enter your name here

Most Popular