ہفتہ, دسمبر 4, 2021
ہفتہ, دسمبر 4, 2021
HomeFact Checkامریکی صدر جوبائیڈن اور پاک پی ایم عمران خان کی یہ تصویر...

امریکی صدر جوبائیڈن اور پاک پی ایم عمران خان کی یہ تصویر ترمیم شدہ ہے

سوشل میڈیا پر ان دنوں امریکی صدر جوبائیڈن کے ساتھ پاک پی ایم عمران خان کی تصویر کو مختلف دعوے کے ساتھ شیئر کیا جا رہا ہے۔ ایک صارفین کا دعویٰ ہے کہ “یو این جنرل اسمبلی میں شرکت نہ کرنے کی بڑی وجہ یہ ہے کہ میرے کپتان بائیڈن سے ملاقات میں مصروف تھے”۔

امریکی صدر جوبائیڈن اور پاک پی ایم عمران خان کی تصویر کا اسکرین شارٹ
امریکی صدر جوبائیڈن اور پاک پی ایم عمران خان کی تصویر کا اسکرین شارٹ

بھارت کے وزیر اعظم نریندر مودی کے امریکہ دورے کے بعد پڑوسی ملک پاکستان میں اثر دیکھنے کو ملا۔ گزشتہ دنوں پاکستان کے وزیر اعظم نے اقوام متحدہ کی جنرل اسمبلی میں خطاب کیا تھا۔ انہوں نے بھارتی وزیر اعظم کو تنقید کا نشانہ بنایا۔ جس کے بعد پاک پی ایم عمران خان کی امریکی صدر جوبائیڈن کے ساتھ ایک تصویر سوشل نیٹورکنگ سائٹ پر گردش کرنے لگی۔

اس تصویر کو صارفین ان دونوں کی ملاقات کا بتا رہے ہیں اور کچھ صارفین اسے مزاحیہ انداز میں بھی شیئر کر رہے ہیں۔ فیس بک پر وائرل پوسٹ کو آپ گیلری میں دیکھ سکتے ہیں۔

وائرل پوسٹ کے آرکائیو لنک یہاں، یہاں، یہاں اور یہاں دیکھیں۔

Fact Check/Verification

امریکی صدر کے ساتھ پاکستانی وزیر اعظم کی وائرل تصویر کی سچائی جاننے کے لئے ہم نے اپنی ابتدائی تحقیقات کا آغاز کیا۔ سب سے پہلے ہم نے تصویر کو ریورس امیج سرچ کیا۔ جہاں ہمیں اسکرین پر کئی خبریں ملیں۔ جس میں صدر جوبائیڈن کی تصویر کے ساتھ بھارتی وزیر اعظم نریندر مودی نظر آرہے ہیں۔

پھر ہم نے “پی ایم مودی کی امریکی صدرجوبائیڈن سے ملاقات” کیورڈ سرچ کیا تو ہمیں انڈیا ڈاٹ کام، نو بھارت ٹائمس اور انڈیا ٹوڈے کی ویب سائٹ پر وائرل تصویر سے ملتی جلتی تصویر ملی۔ جس میں وزیر اعظم نریندر مودی اور امریکی صدر جوبائیڈن گلے ملتے ہوئے نظر آرہے ہیں۔ ان خبروں میں شائع تصویر کو دیکھنے سے صاف واضح ہوتا ہے کہ وزیر اعظم مودی کے چہرے پر پاکستانی پی ایم کی تصویرص ایڈیٹ کرکے لگائی گئی ہے۔

درج ذیل میں دونوں تصاویر کا فوٹو شاپ کی مدد سے موازنہ کیا گیا ہے۔ جس سے آپ با آسانی دونوں میں تفریق کر سکتے ہیں۔

یہ بھی پڑھیں: پاکستان میں نیوزی لینڈ ٹیم کی سیکورٹی کی نہیں ہے یہ وائرل تصویر

Conclusion

نیوز چیکر کی تحقیقات میں یہ ثابت ہوتا ہے کہ امریکی صدر جوبائیڈن کے ساتھ پاک پی ایم عمران خان کی تصویر ایڈیٹ شدہ ہے۔


Result: Manipulated Media


Our Sources

India Today

India.Com

NBT


نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔

9999499044

Mohammed Zakariyahttps://newschecker.in/ur
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his Master in Mass communication and Journalism from Lucknow University.Lucknow
Mohammed Zakariyahttps://newschecker.in/ur
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his Master in Mass communication and Journalism from Lucknow University.Lucknow

LEAVE A REPLY

Please enter your comment!
Please enter your name here

Most Popular