کیا سعودی عرب میں گستاخ رسولﷺ کے خلاف کئے گئے احتجاج کی ہے یہ ویڈیو؟وائرل ویڈیو کا جانیں سچ

پیغمبر اسلام ﷺ کی توہین پر جاری تنازعہ سے جوڑکر ایک ویڈیو سوشل نٹورکنگ سائٹس پر شییئر کی جا رہی ہے۔ ویڈیو میں حضورﷺ پر پڑھے جارہے درود و سلام کو سنا جا سکتا ہے۔ دعویٰ کیا جا رہا ہے کہ یہ ویڈیو گستاخ رسولﷺ کے خلاف سعودی عرب میں کئے گئے احتجاج کی ہے۔

وائرل پوسٹ کا آرکائیو یہاں اور یہاں دیکھا جا سکتا ہے۔ کئی صارفین اس ویڈیو کو بھارت میں چل رہے توہین رسالت نبی کریم صلی اللہ علیہ وسلم کے تنازعہ سے جوڑ کر فیس بک اور ٹوئٹر پر شیئر کر رہے ہیں۔

درحقیقت حال ہی میں ایک ٹی وی مباحثے کے دوران بی جے پی کی سابق قومی ترجمان نوپور شرما نے پیغمبر اسلامؐ کے خلاف گستاخانہ تبصرہ کیا تھا۔ اس کے بعد دہلی بی جے پی کے سابق میڈیا سیل کے سربراہ نوین جندل نے بھی پیغمبر اسلامؐ کے بارے میں اشتعال انگیز ٹویٹ کیا۔ جس کے بعد سعودی عرب، قطر، ایران سمیت کئی اسلامی ممالک نے دونوں کے بیانات پر اپنا احتجاج درج کروایا ہے۔ بی جے پی نے اپنے دونوں ترجمانوں کو پارٹی سے نکال دیا ہے۔ اسی کے پیش نظر اب یہ ویڈیو سوشل میڈیا پر وائرل ہو رہی ہے۔

Fact Check/Verification

سعودی عرب میں گستاخ رسولﷺ کے خلاف احتجاج کا بتاکر شیئر کی گئی ویڈیو کے ایک فریم کو ین ڈیکس سرچ کیا تو ہمیں اسکائی نیوز اور ٹی آر ٹی ورلڈ پر 9 اکتوبر 2021 کو شائع شدہ ہوبہو وائرل ویڈیو کے ساتھ خبر ملی۔ خبر کے مطابق یہ ویڈیو یمن کے دارالحکومت صنعاء کی ہے جہاں نبی کریم ﷺ کے یوم ولادت کے موقع پر لاکھوں کا ہجوم جمع ہوا تھا۔

اس کے بعد کچھ کیورڈ کی مدد سے گوگل سرچ کرنے پر ہمیں وائس آف امریکہ کے یوٹیوب چینل پر ہوبہو ویڈیو ملی جو سوشل میڈیا پر شیئر کیا جا رہا ہے۔ یہاں بھی یہ ویڈیو نومبر 2019 میں اپ لوڈ کی گئی تھی۔ جس کے ساتھ دی گئی جانکاری کے مطابق یمن میں مسلمانوں نے پیغمبر اسلامﷺ کی یوم پیدائش منائی تھی۔ جس میں ہزاروں افراد نے شرکت کی تھی۔ یہی ویڈیو گیٹی امیجز کی ویب سائٹ پر بھی دیکھی جا سکتی ہے۔

یہ بھی پڑھیں:پیغمبر اسلامﷺ کی توہین کے خلاف بھارتی مسلمانوں کے احتجاج کی نہیں ہے یہ ویڈیو

Conclusion

اس طرح ہماری تحقیقات میں ثابت ہوا کہ وائرل ویڈیو سعودی عرب کی نہیں بلکہ یمن کی ہے اور ڈھائی سال پرانی ہے۔ گستاخ رسولﷺ سے جوڑ کر اس ویڈیو کو غلط دعوے کے ساتھ شیئر کیا جا رہا ہے۔

Result: False Context/False

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044