سوشل میڈیا پر کانگریس لیڈر راہل گاندھی اور پرینکا گاندھی کی ایک تصویر کے ساتھ دعویٰ کیا گیا ہے کہ انہوں نے یوپی میں یوگی سرکار بننے کی بات کہی ہے۔ وائرل تصویر میں کانگریس لیڈر راہل گاندھی اور پرینکا گاندھی واڈرا اپنے اہاتھوں میں ایک بُک لیٹ لئے ہوئے نظر آرہے ہیں، جس میں لکھا ہے کہ”آئیں گے تو یوگی ہی”۔
اترپردیش میں دس فروری سے اسمبلی انتخابات کی شروعات ہونے جارہی ہے۔ جس کے پیش نظر سبھی سیاسی پارٹیاں اپنا اپنا انتخابی منشور جاری کر رہی ہیں۔ گزشتہ جمعہ کانگریس نے اتر پردیش کے نوجوانوں کے لئے وژن دستاویز’بھرتی ودھان، نئی دہلی میں موجود کانگریس دفتر میں انتخابی منشور جاری کیا تھا۔اس موقع پر کانگریس کے سابق صدر راہل گاندھی اور پرینکا گاندھی واڈرا سمیت دیگر کانگریس لیڈر موجود تھے۔ اسی مسئلے سے جوڑ کر سوشل میڈِیا پر کانگریس رہنماؤں کی انتخابی منشور والی تصویر شیئر کی جا رہی ہے، جس میں لکھا ہے کہ آئیں گے تو یوگی ہی۔
وائرل پوسٹ کا آرکائیو لنک یہاں، یہاں اور یہاں دیکھیں۔
Fact Check/Verification
راہل گاندھی اور پرینکا گاندھی کی تصویر کے ساتھ کئے گئے دعوے کی سچائی جاننے کے لئے ہم نے وائرل تصویر کو گوگل ریورس امیج سرچ کیا۔ اس دوران ہمیں جن ستا نیوز ویب سائٹ پر شائع 21 جنوری 2022 کی ایک رپورٹ ملی۔ جس کے مطابق کانگریس لیڈر راہل گاندھی اور پارٹی جنرل سکریٹری پرینکا گاندھی واڈرا نے یوپی اسمبلی انتخابات کے لئے یوتھ مینوفیسٹو جاری کیا۔
ہم نے اپنی تحقیقات کے دوران گوگل پر راہل پرینکا انتخابی منشور کیورڈ سرچ کیا۔ اس دوران ہمیں زی نیوز یوپی/اتراکھنڈ پر 21 جنوری 2022 کی ایک تصویر کے ساتھ رپورٹ ملی۔ تصویر میں راہل اورپرینکا اپنے ہاتھ میں کانگریس یووا انتخابی منشور لئے ہوئے نظر آرہے ہیں۔ منشور پر “بھرتی ودھان” لکھا ہوا نظر آ رہا ہے۔
سرچ کے دوران ہمیں ایسٹ یوپی کانگریس سیوا دل نامی ٹویٹر ہینڈل پر 21 جنوری 2022 کو ایک تصویر کے ساتھ شیئر کیا گیا پوسٹ ملا۔ جس میں صاف طور پر دیکھا جا سکتا ہے کہ راہل اور پرینکا اپنے ہاتھوں میں کانگریس کا یووا انتخابی منشور لئے ہوئے ہیں، جس پر بھرتی ودھان لکھا ہوا ہے۔
ہم نے وائرل تصویر اور ایسٹ یوپی کانگریس سیوا دل کے ٹویٹر ہینڈل پر ملی تصویر کا تجزیہ کیا تو پتا چلا کہ راہل اور پرینکا کا کپڑا اور ان کے پیچھے لگا بورڈ ایک ہی جیسا تھا۔جسے آپ درج ذیل کی تصویر میں بخوبی دیکھ کر صحیح غلط کا اندازہ لگا سکتے ہیں۔
یہ بھی پڑھیں: راہل گاندھی پر دوہرے پن کا الزام لگاتی پوسٹ کی آخر کیا ہے سچائی؟
Conclusion
اس طرح ہماری تحقیقات سے صاف واضح ہوتا ہے کہ کانگریس لیڈر راہل گاندھی اور پرینکا گاندھی واڈرا نے یوپی میں یوگی سرکار بننے کی بات نہیں کہی ہے بلکہ جو تصویر سوشل میڈیا پر شیئر کی جا رہی ہے وہ دراصل ترمیم شدہ ہے۔
Result: Manipulated Media
Our Sources
نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔
9999499044
