میڈیا رپورٹس کے مطابق چیمپئنز ٹرافی 2025 کا آغاز 19 فروری سے ہونے جا رہا ہے۔ بھارت اور پاکستان کے مابین مقابلہ 23 فروری کو ہوگا۔ اسی تناظر میں فیس بک پر بھارتی کرکٹر روہت شرما کے استقبال کی ایک ویڈیو شیئر کی جا رہی ہے۔ صارفین کا دعویٰ ہے کہ روہت شرما کے ایئر پورٹ پر کئے گئے استقبال کی یہ ویڈیو پاکستان کی ہے۔
Fact Check/Verification
ہم نے سب سے پہلے گوگل پر “بھارت اور پاک چیمپئنز ٹرافی 2025” کیورڈ سرچ کیا۔ تب ہمیں انڈیپنڈنٹ اردو ویب سائٹ پر رواں ماہ کی 16 تاریخ کو شائع ہونے والی ایک رپورٹ ملی۔ جس کے مطابق چیمپیئنز ٹرافی 2025 میں بھارت اور پاکستان کے درمیان 23 فروری کو دبئی میں مقابلہ ہوگا۔ یہاں واضح ہوچکا کہ بھارتی ٹیم کے کھلاڑی روہت شرما کی یہ ویڈیو پاکستان کی نہیں ہے
پھر ہم نے وائرل ویڈیو کے ایک فریم کو گوگل لینس پر سرچ کیا۔ اس دوران ہمیں ہوبہو ویڈیو روشی-12 اور بھارت اینالیزر نامی ایکس ہینڈلس پر 3 اکتوبر 2024 کو شیئر شدہ موصول ہوئی۔ جس کے ساتھ فراہم کردہ معلومات کے مطابق یہ ویڈیو مہاراشٹر کے راشن میں بھارتی کرکٹ ٹیم کے کپتان روہت شرما کے استقبال کی ہے۔ اس حوالے سے میڈیا رپورٹ یہاں پڑھی جا سکتی ہیں۔
یہ بھی پڑھیں: کرکٹر محمد شامی اور ثانیہ مرزا کی مصنوعی تصاویر فرضی دعوے کے ساتھ وائرل
Conclusion
اس طرح آن لائن ملنے والے شواہد سے یہ ثابت ہوا کہ ایئرپورٹ پر بھارتی کرکٹر روہت شرما کے استقبال کی یہ ویڈیو پاکستان کی نہیں بلکہ بھارت کے مہاراشٹر کی ہی ہے۔
Sources
Report published by Independent Urdu on 16 Feb 2025
X post by @rushii_12 on 3 Oct 2024
Report published by ZeeNews 3 Oct 2024
نوٹ: کسی بھی مشتبہ خبر کی تحقیق، ترمیم یا دیگر تجاویز کے لئے ہمیں واہٹس ایپ نمبر 9999499044 پر آپ اپنی رائے ارسال کر سکتے ہیں۔ ساتھ ہی ہمارے واہٹس ایپ چینل کو بھی فالو کریں۔
