برطانوی ادیب سلمان رشدی کی موت کے حوالے سے فرضی خبر وائرل

سوشل میڈیا صارفین کا بھارتی نژاد برطانوی ادیب سلمان رشدی کے حوالے سے دعویٰ ہے کہ ان کی موت ہو چکی ہے۔ بتادوں کہ 12 اگست کو ایک تقریب کے دوران سلمان رشدی پر ہادی مطار نامی نوجوان نے قاتلانہ حملہ کیا تھا۔ جس کے بعد انہیں اسپتال میں علاج کے لئے داخل کروایا گیا تھا۔ بتادوں کہ فیس بک پر 13 اگست کی ایک پوسٹ میں دعویٰ کیا گیا کہ رشدی پر قاتلانہ حملے کے بعد ان کی موت ہو گئی ہے۔

برطانوی ادیب سلمان رشدی کے جاں بحق ہونے کی خبر فیس بک و ٹویٹر صارفین نے بھی شیئر کی ہے۔

وائرل پوسٹ کا آرکائیو لنک یہاں اور یہاں دیکھیں۔

Fact Check/ Verification

بھارتی نژاد برطانوی ادیب سلمان رشدی کی موت کی خبر میں کتنی سچائی ہے؟ یہ جاننے کے لئے ہم نے کچھ کیورڈ سرچ کیا۔ اس دوران ہمیں الجزیرہ ڈاٹ کام اور ایسوسی ایٹ پریس کی ویب سائٹ پر شائع 14 اگست 2022 کی رپورٹس ملیں۔ ان رپورٹس کے مطابق سلمان رشدی کی طبعیت میں اب کافی سدھار ہوا ہے۔ انہیں سنیچر کو وینٹیلیٹر سے ہٹا دیا گیا ہے اور اب وہ بات کرنے کی بھی حالت میں ہیں۔ وہ ابھی بھی بازو اور جگر میں زیادہ زخم ہونے کہ وجہ سے اسپتال میں زیر علاج رہیں گے۔ رشدی کو حملے کے بعد ہیلی کاپٹر سے قریبی اسپتال میں لے جایا گیا تھا، جہاں ان کی وقتی طور پر سرجری کی گئی تھی۔

سرچ کے دوران ہمیں برطانوی ادیب سلمان رشدی کے بیٹے ظفر رشدی کے آفیشل ٹویٹر ہینڈل سے شیئر شدہ ایک فیملی اسٹیٹمنٹ بھی ملا۔ جس میں انہوں نے لکھا ہے کہ جمعے کے دن ہوئے حملے کے بعد ان کے والد کی حالت نازک تھی اور ان کا علاج چل رہا تھا۔ کل یعنی سنیچر کو ہمیں بہت ہی زیادہ سکون ملا جب انہیں وینٹیلیٹر سے ہٹا دیا گیا اور وہ کچھ الفاظ بھی بول سکے۔ ساتھ ہی ظفر رشدی نے پولس اہلکاروں، ڈاکٹر اور آڈینس کا بھی شکریہ ادا کیا ہے، اس مشکل حالات میں ان کے ساتھ کھڑے رہنے کے لئے۔

اس کے علاوہ ہم نے برطانوی ادیب سلمان رشدی کی موت سے متعلق مزید کیورڈ سرچ کیا۔ لیکن ہمیں کہیں بھی ان کی موت سے متعلق کوئی خبر نہیں ملی۔ البتہ ان کی طبیعت ٹھیک ہونے سے جوڑی 15 اور 16 اگست کو شائع شدہ متعدد خبریں فراہم ہوئیں۔ جسے آپ یہاں، یہاں اور یہاں پڑھ سکتے ہیں۔

یہ بھی پڑھیں: کیا سلمان رشدی پر حملہ کرنے والا نوجوان ایرانی ہے؟ جانئے سچ

Conclusion

اس طرح ہماری تحقیقات سے واضح ہوا کہ بھارتی نژاد برطانوی ادیب سلمان رشدی کی موت کے حوالے سے فرضی خبریں گردش کر رہی ہیں۔ میڈیا رپورٹ اور رشدی کے اہل خانہ کے مطابق ان کی طبیعت پہلے سے بہتر ہے اور انہیں ویٹیلیٹر سے ہٹا لیا گیا ہے۔

Result: False

نوٹ: کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔9999499044