Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
شیئر چیٹ پر ایک پوسٹر شیئر کیا جا رہا ہے۔ جس میں ایک مسجد نُما مکان نظر آرہا ہے۔ اس مکان کے حوالے سے یوزر کا دعویٰ ہے کہ “کیرلہ کی کمیونسٹ سرکار نے ملاپورم کی سُوبرہمن مندر کو پزہیانگڑی مسجد بنا دیا ہے”۔
سوشل میڈیا پر آئے دن مسلمانوں کے خلاف طرح طرح کا پروپیگینڈا کیا جا رہا ہے۔ کبھی مسلمانوں کو دہشت گرد تو کبھی غدارِ وطن کہہ کر بلایا جاتا ہے۔ وہیں ان دنوں ایک پوسٹر شیئر چیٹ پر شیئر کیا جا رہا ہے۔ جس میں مسجد نُما عمارت کے مندر ہونے کا دعویٰ کیا جارہا ہے۔ یوزر کا دعویٰ ہے کہ کیرلہ کی کمیونسٹ سرکار مندروں کو مسجد میں بدل رہی ہے۔
فیس بک اور ٹویٹر پر جب ہم نے وائرل دعوے سے متعلق کیورڈ سرچ کیا تو ہمیں پتاچلا کہ پچھلے کئی سالوں سے مذکورہ دعوے کے ساتھ مسجد کی تصویر کو شیئر کیا جا رہا ہے۔ درج ذیل میں ایمبڈ لنک اور فیس بک کا اسکرین شارٹ موجود ہے۔
Fact Check/Verification
سوشل میڈیا پر مسجد نما وائرل تصویر کا ہم نے سب سے پہلے اویسم اسکرین شارٹ کی مدد سے کیفریم نکالا اور اسے گوگل ریورس امیج سرچ کیا۔ اس دوران ہمیں مسجد سے متعلق کئی جانکاریاں ملیں۔ جس سے واضح ہوچکا کہ یہ عمارت کیرلہ میں موجود پزہیانگڑی مسجد ہے۔ جسے مندر بتایا جا رہا ہے۔
یہ بھی پڑھیں۔ کیرلہ کی سیاسی جماعت کے بینرکو پاکستانی جھنڈہ بتاکر سوشل میڈیا پر کیا جارہاہے شیئر
تصویر کے ساتھ کئے گئے دعوے کی سچائی جاننے کے لئے جب ہم نے کچھ کیورڈ سرچ کیا تو ہمیں کیرلہ ٹوریزم نامی ویب سائٹ پر وائرل پزہیانگڑی مسجد کی تعمیر و تاریخ کے حوالے سے جانکاری ملی۔ کیرلہ ٹوریزم ویب سائٹ کے مطابق پزہیانگڑی مسجد کی تعمیر پانچ سو سال پہلے کی گئی تھی۔ یہ مسجد ملپ پورم کےمشرقی منجیر علاقے میں موجود ہے۔ اس مسجد میں فروری یا مارچ کے مہینے میں ایک مذہبی پروگرام منقد کیا جاتا ہے۔
ملپ پورم آن لائن ویب سائٹ کے مطابق محمد شاہ کی یاد میں پزہیانگڑی مسجد کی تعمیر کروائی گئی تھی۔ پزہیانگڑی مسجد کو کندوتی مسجد بھی کہا جاتا ہے۔ کیرلہ کی چیرامن مسجد اور پزہیانگڑی مسجد کو بھارت کی سب سے پہلی مسجدوں میں شمار کیا جاتا ہے۔ اس کے علاوہ انڈیا ٹور نامی ویب سائٹ پر بھی یہ جانکاری دی گئی ہے کہ یہ مسجد محمد شاہ کی یاد میں تعمیر کی گئی تھی۔
اس مسجد کے حوالے سے وائرل دعوے کی تحقیقات نیوزچیکر کی انگریزی ٹیم دوسال پہلے ہی کر چکی ہے۔ جسے آپ یہاں کلک کر کے پڑھ سکتے ہیں۔
Conclusion
نیوزچیکر کی تحقیقات میں یہ ثابت ہوتا ہے کہ پزہیانگڑی مسجد کے حوالے سے کیا گیا دعویٰ فرضی ہے۔ یہ مسجد 500 سال پرانی ہے۔ اس سے متعلق ہمیں کوئی بھی میڈیا رپورٹ دستیئاب نہیں ہوئی جس میں اس بات کا ذکر کیا گیا ہو کہ یہ مسجد پہلے مندر ہوا کرتی تھی۔
Result: False
Our source
نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔
9999499044
Authors
Zakariya has an experience of working for Magazines, Newspapers and News Portals. Before joining Newschecker, he was working with Network18’s Urdu channel. Zakariya completed his post-graduation in Mass Communication & Journalism from Lucknow University.
