Weekly Wrap: પહલગામ આતંકી હુમલા અને ઓપરેશન સિંદુર સંબંધિત સપ્તાહની ટોપ ફેક્ટ ચેક

ભારતના જમ્મુ-કાશ્મીરમાં પહલગામમાં થયેલા આતંકી હુમલા બાદ ભારતે પાકિસ્તાન અને પાકિસ્તાનના કબજા હેઠળના કાશ્મીરમાં ઓપરેશન સિંદુર લૉન્ચ કરીને નવ જેટલા આતંકી ઠેકાણાં નષ્ટ કરી દીધા. ભારત-પાકિસ્તાન વચ્ચે તણાવ ચરમસીમા પર છે. સરહદી જિલ્લાઓ ઍલર્ટ પર છે અને અંકુશ હરોળ પર સતત ઘર્ષણ ચાલી રહ્યું છે. આ દરમિયાન, એક ઇન્ફર્મેશન વોર પણ છેડાયું છે. જેમાં પ્રોપોગેન્ડા પણ ફેલાવવાની કોશિશો થઈ રહી છે. ડિસઇન્ફર્મેશન અને ફેક ન્યૂઝનું ઘોડાપૂર ઉમટી પડ્યું છે. અન્ય જૂની ઘટનાઓના વીડિયો અને તસવીરો ઓપરેશન સિંદુરના નામે વાઇરલ થઈ રહ્યા છે. વળી સોશિયલ મીડિયામાં અને મેઇનસ્ટ્રીમ મીડિયામાં પણ ભારત-પાકિસ્તાનના તણાવ વચ્ચે કેટલીક ખોટી માહિતીઓ વહેતી થઈ છે. અન્ય દેશો વચ્ચેના યુદ્ધના જૂના વીડિયોથી લઈને એઆઈ દ્વારા જનરેટ કરાયેલા વીડિયો પણ શેર કરાઈ રહ્યા છે. પહલગામ આતંકી ઘટનાથી લઈને ઓપરેશન સિંદુર અને સિંધુ જળ સંધિ મામલેના ખોટા દાવાઓ આ સપ્તાહમાં ઇન્વેસ્ટિગેટ કરવામાં આવ્યા અને સત્ય તથા તથ્યને ઉજાગર કરવામાં આવ્યા. અમારી તપાસમાં ઘણા વીડિયો દાવાઓ ખોટા પુરવાર થાય. વાંચો આ સપ્તાહની ટોપ ફેક્ટ ચેક.

પાક.ના કરાચી બંદર પર વિસ્ફોટનો દાવો કરતો વીડિયો ખરેખર યુએસમાં પ્લૅન ક્રૅશનો જૂનો વીડિયો

સોશિયલ મીડિયામાં ઇન્ડિયન નેવીનો પાકિસ્તાનના કરાચી બંદર પર હુમલાના દાવાવાળો વીડિયો વાઇરલ થયો હતો. પરંતુ દાવો ખોટો છે. વાયરલ વીડિયો ખરેખર અમેરિકામાં થયેલી વિમાન દુર્ઘટનાનો છે. વધુ અહેવાલ અહીં વાંચો.

ઓપરેશન સિંદુર વચ્ચે પાકિસ્તાની જનરલનો 2 ફાઇટર જેટ ગુમાવ્યાનો AI જનરેટેડ વીડિયો વાઇરલ

પાકિસ્તાની સેનાના વરિષ્ઠ જનરલ અહમદ શરીફ ચૌધરીએ બે પાકિસ્તાની JF-17 ફાઇટર જેટ ગુમાવ્યાની કબૂલાત કરી હોવાનો દર્શાવતો વીડિયો વાઇરલ કરાયો હતો. પણ તપાસમાં બહાર આવ્યું કે, વીડિયો ખરેખર AI જનરેટેડ છે. વધુ અહેવાલ અહીં વાંચો.

ઓપરેશન સિંદુરના નામે ખરેખર ઇરાનિયન સ્ટ્રાઇકનો જૂનો વીડિયો વાઇરલ 

પહલગામનો બદલો, ભારત ઓપરેશન સિંદુર હેઠળ પાકિસ્તાનમાં ત્રાટક્યું તેનો વીડિયો હોવાનો દાવો કરાયો હતો. પરંતુ તે વીડિયો ગત વર્ષે ઇરાનિયન સ્ટ્રાઇકનો હોવાનું સત્ય બહાર આવ્યું. વધુ અહેવાલ અહીં વાંચો.

ઓપરેશન સિંદૂરના નામે વાઇરલ વીડિયો ખરેખર 2 વર્ષ જૂનો ગાઝાનો વીડિયો

ભારતે પાકિસ્તાન અને પાકિસ્તાન કબજા હેઠળના કાશ્મીરમાં લૉન્ચ કરેલા ઓપરેશન સિંદૂરનો વીડિયો. દાવો ખોટો છે. વર્ષ 2023માં ઇઝરાયલે કરેલા ગાઝા હુમલાનો છે. તે ઓપરેશન સિંદૂરના વિઝ્યૂઅલ નથી. વધુ અહેવાલ અહીં વાંચો.

કટરા-વૈષ્ણોદેવી રોપવે વિરોધનો વીડિયો પહલગામ આતંકી હુમલા સાથે જોડીને વાઇરલ

પહલગામ આતંકવાદી હુમલામાં આતંકવાદીઓને ટેકો આપનારા સ્થાનિક નેતાની અટકાયતનો વીડિયો. આ વીડિયો પહલગામ આતંકવાદી હુમલા સાથે સંબંધિત નથી. તે કટરા-વૈષ્ણોદેવી રોપવે વિરોધનો છે. વધુ અહેવાલ અહીં વાંચો.

ભારતે સિંધુ જળ સંધિ સ્થિગત કરતા ટ્રમ્પે પાકિસ્તાનની મજાક ઉડાવી? શું છે સત્ય

સિંધુ જળ સંધિ સ્થગિત થયા બાદ અમેરિકન રાષ્ટ્રપતિ ટ્રમ્પે પાકિસ્તાનની મજાક ઉડાવી તેનો વીડિયો વાઇરલ થયો હતો. પરંતુ દાવો ખોટો છે. આ વીડિયો વર્ષ 2016નો છે. તે અન્ય ઘટના વિશેનો છે. વધુ અહેવાલ અહીં વાંચો.

શું ગુજરાતના મોરબીમાં ‘પાકિસ્તાન મુર્દાબાદ’ લખેલી ટાઇલ્સો બનાવાઈ રહી છે?

સોશિયલ મીડિયામાં વીડિયો વાઇરલ થયો હતો કે, ગુજરાતના મોરબીમાં હાલ પાકિસ્તાન મુર્દાબાદની ટાઇલ્સો બનાવાઈ રહી છે. જોકે, તપાસમાં બહાર આવ્યું છે કે, આ વીડિયો ખરેખ 6 વર્ષ જૂનો છે. વધુ અહેવાલ અહીં વાંચો.