ಇರಾನ್ ಮೇಲೆ ದಾಳಿ ನಡೆಸಲು ಇಸ್ರೇಲ್ ಯುದ್ಧ ವಿಮಾನಗಳು ಹೊರಟಿವೆ ಎಂದು ಈಜಿಪ್ಟ್ ವೀಡಿಯೋ ವೈರಲ್

ಇರಾನ್ ಮೇಲೆ ದಾಳಿ ನಡೆಸಲು ಇಸ್ರೇಲ್ ಯುದ್ಧ ವಿಮಾನಗಳು ಹೊರಟಿವೆ ಎಂದು ವೀಡಿಯೋ ಒಂದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.

ಫೇಸ್‌ಬುಕ್ ನಲ್ಲಿ ಈ ಪೋಸ್ಟ್ ಗಳು ಕಂಡುಬಂದಿದ್ದು, ಯುದ್ಧವಿಮಾನಗಳು ಗುಂಪಾಗಿ ಹಾರಾಡುತ್ತಿರುವ ದೃಶ್ಯ ಇದೆ.

ಈ ಪೋಸ್ಟ್ ಗಳನ್ನ ಇಲ್ಲಿ, ಇಲ್ಲಿ ನೋಡಬಹುದು.

ಇದರ ಬಗ್ಗೆ ನ್ಯೂಸ್‌ ಚೆಕರ್ ಸತ್ಯಶೋಧನೆ ನಡೆಸಿದ್ದು, ಇದು ಸುಳ್ಳು ಎಂದು ಕಂಡುಬಂದಿದೆ.

Also Read: ಇರಾನ್ ನಲ್ಲಿ ಅಣ್ವಸ್ತ್ರ ಘಟಕವನ್ನು ಇಸ್ರೇಲ್ ಧ್ವಂಸ ಮಾಡಿದೆ ಎಂದು ವೈರಲ್ ಆಗುತ್ತಿರುವ ವೀಡಿಯೋ ಚೀನಾದ್ದು!

Fact Check/Verification

ಸತ್ಯಶೋಧನೆಗಾಗಿ ನಾವು ವೈರಲ್ ವೀಡಿಯೋದ ಕೀಫ್ರೇಮ್ ಗಳನ್ನು ತೆಗೆದು ಗೂಗಲ್ ಲೆನ್ಸ್ ಮೂಲಕ ಹುಡುಕಿದ್ದೇವೆ.

ಈ ವೇಳೆ ಏಪ್ರಿಲ್ 9, 2025ರಂದು fatabyyano.net ಎಂಬ ವೆಬ್‌ ಸೈಟ್ ನಲ್ಲಿ ಫ್ಯಾಕ್ಟ್ ಚೆಕ್ ವರದಿಯೊಂದು ಕಂಡುಬಂದಿದೆ. ಈ ವರದಿಯಲ್ಲಿ ವಿಮಾನಗಳು ಈಜಿಪ್ಟಿನದ್ದಾಗಿದ್ದು ಕೈರೋದಲ್ಲಿ ನಡೆದ ಮಿಲಿಟರಿ ಅಕಾಡೆಮಿ ಪದವಿ ಪ್ರದಾನ ಸಮಾರಂಭದ ಸಂದರ್ಭ ಹಾರಾಟ ನಡೆಸಿವೆ ಎಂದಿದೆ. (ಅರೆಬಿಕ್ ಭಾಷೆಯಿಂದ ಭಾಷಾಂತರಿಸಲಾಗಿದೆ)

ಈ ವಿಮಾನ ಹಾರಾಟದ ವೀಡಿಯೋವನ್ನು ವಿವಿಧ ಸಂದರ್ಭಗಳಲ್ಲಿ ಬೇರೆ ಬೇರೆ ಹೇಳಿಕೆಗಳೊಂದಿಗೆ ಹಂಚಿಕೊಂಡಿರುವುದನ್ನು ವಿವಿಧ ಅರೆಬಿಕ್ ಫ್ಯಾಕ್ಟ್ ಚೆಕ್ ಸಂಸ್ಥೆಗಳು ಸತ್ಯಶೋಧನೆ ನಡೆಸಿದ್ದು ನಿಜಾಂಶವನ್ನು ತೆರೆದಿಟ್ಟಿವೆ. ಅವುಗಳ ವರದಿಯಲ್ಲಿ ಈ ವೀಡಿಯೋಗಳು ಈಜಿಪ್ಟ್ ಮಿಲಿಟರಿ ಅಕಾಡೆಮಿಯ ಪದವಿ ಪ್ರದಾನ ಸಮಾರಂಭದ ವೀಡಿಯೋಗಳು ಎಂದು ಹೇಳಿವೆ. ಈ ವರದಿಗಳನ್ನು ಇಲ್ಲಿ ಇಲ್ಲಿ ನೋಡಬಹುದು.

ಇದರೊಂದಿಗೆ ನಾವು ಈಜಿಪ್ಟ್ ಮಿಲಿಟರಿ ಅಕಾಡೆಮಿ ಪದವಿ ಪ್ರದಾನ ಸಮಾರಂಭದ ಕುರಿತಾಗಿ ಕೀವರ್ಡ್ ಸರ್ಚ್ ನಡೆಸಿದ್ದು, ಅದು ಅಕ್ಟೋಬರ್ 2024ರ ಹೊತ್ತಿಗೆ ನಡೆದಿದೆ ಎಂದು ಗೊತ್ತಾಗಿದೆ. ಈ ಕುರಿತು ಅಕ್ಟೋಬರ್ 3, 2024ರಂದು ಯೂಟ್ಯೂಬ್ ನಲ್ಲಿ ElMehwar Tv Channel ಎಂಬ ಬಳಕೆದಾರರು ವೀಡಿಯೋವನ್ನು ಪ್ರಕಟಿಸಿದ್ದು, ಇದರ ವಿವರಣೆಯಲ್ಲಿ, ‘ಮಿಲಿಟರಿ ಅಕಾಡೆಮಿಯ ಹೊಸ ಬ್ಯಾಚ್ ವಿದ್ಯಾರ್ಥಿಗಳ ಪದವಿ ಪ್ರದಾನ ಸಮಾರಂಭದಲ್ಲಿ ಈಜಿಪ್ಟ್ ವಾಯುಪಡೆಯ ಸ್ಕೈ ಈಗಲ್ಸ್‌ನಿಂದ ಭವ್ಯ ಪ್ರದರ್ಶನ.’ ಎಂದಿದೆ (ಅರೆಬಿಕ್ ನಿಂದ ಭಾಷಾಂತರಿಸಲಾಗಿದೆ)

ಫೇಸ್‌ಬುಕ್ ನಲ್ಲೂ ಅಕ್ಟೋಬರ್ 3, 2024ರಂದು Mehwar TV ಯಲ್ಲಿ ಈಜಿಪ್ಟ್ ಮಿಲಿಟರಿ ಅಕಾಡೆಮಿಯ ಪದವಿ ಪ್ರದಾನದ ದೃಶ್ಯಗಳನ್ನು ನೋಡಿದ್ದೇವೆ.

Conclusion

ಈ ಸಾಕ್ಷ್ಯಾಧಾರಗಳ ಪ್ರಕಾರ, ಇದು ಈಜಿಪ್ಟ್ ನ ಮಿಲಿಟರಿ ಅಕಾಡೆಮಿ ಸಮಾರಂಭದ ದೃಶ್ಯಗಳಾಗಿದ್ದು, ಇರಾನ್ ಮೇಲೆ ದಾಳಿ ನಡೆಸಲು ಇಸ್ರೇಲ್ ಯುದ್ಧ ವಿಮಾನಗಳು ಹೊರಟಿವೆ ಎಂಬ ಹೇಳಿಕೆ ಸುಳ್ಳು ಎಂದು ಕಂಡುಬಂದಿದೆ.

Also Read: ಇರಾನ್-ಇಸ್ರೇಲ್ ಕದನ; ಸರ್ಕಾರದ ವಿರುದ್ಧವೇ ಇರಾನ್ ಜನ ತಿರುಗಿಬಿದ್ದಿದ್ದಾರೆಯೇ?

Our Sources

Report By fatabyyano.net, Dated: April 9, 2025

YouTube Video By ElMehwar Tv Channel, Dated: October 3, 2024

Facebook Post By Mehwar TV, October 3, 2024